Sport

Al Nassr barazon 0-0, por siguron raundin e 1/16-ave të Champions League të Azisë

Skuadra saudite luajti me dhjetë lojtarë nga minuta e 17-të, pas përjashtimit të Ali Al Oujami

27 Nëntor 2023, 21:38 Nga DOSJA
Al Nassr barazon 0-0, por siguron raundin e 1/16-ave të Champions League

ARABIA SAUDITE - Përfundon takimi mes Al Nassr dhe Persepolis. Me këtë barazim, skuadra saudite e Luís Castros, siguron vendin e parë në grupin “E” dhe rrjedhimisht kualifikimin për në fazën e 16-të të Champions League të Azisë.

I nevojitej vetëm një barazim për të vulosur kualifikimin, Al Nassr tregoi që në fillim se donte më shumë dhe filloi të dominonte ndeshjen. Në minutën e 4-të, Cristiano Ronaldo u rrëzua në zonën e rreptësisë dhe arbitri sinjalizoi penalltinë, një vendim që do të anulohej pasi vetë sulmuesi portugez pranoi se nuk kishte arsye për dënimin maksimal dhe VAR konfirmoi se në të vërtetë nuk kishte asnjë shkelje.. 

Në minutën e 17-të erdhi momenti vendimtar i ndeshjes: Ali Al-Oujami u përjashtua me karton të kuq për një sfidë të rrezikshme ndaj Milad Sarlk dhe e la skuadrën saudite të kushtëzuar për pjesën e mbetur të lojës, të reduktuar në 10 lojtarë.

Deri në fund, ishte Persepolis që mori kontrollin e lojës, me Al Nassr që zgjodhi qëndrueshmërinë në mbrojtje dhe u fokusua në kundërsulme. Skuadra iraniane pati disa mundësi për të hapur rezultatin, por përfundoi duke dështuar në përfundimin e tyre dhe nuk ishte në gjendje të mposhtte portierin saudit Al Aqidi.

Rasti më i rrezikshëm i Al Nassr erdhi në këmbët e Cristiano Ronaldos, në minutën e 57-të, me një goditje nga brenda zonës së rreptësisë, që kaloi disa centimetra pranë shtyllës së djathtë të Persepolis.

B.T (Dosja.al)

Sondazh

Poll

MË SHUMË