Sport

Luis Suarez i sinqertë: “Po, do të luaj me Messin te Inter Miami”… pritet zyrtarizimi

Në SHBA, marrëveshja e Luis Suarez me Inter Miami konsiderohet një përfundim i paramenduar dhe duket se uruguajanit i ka mbetur vetëm njoftimi për t'u ribashkuar me mikun e tij më të mirë, Lionel Messin.

4 Nëntor 2023, 14:35 Nga DOSJA

Luis Suarez i sinqertë: “Po, do të luaj me Messin te Inter

BRAZIL - Pas “El Pais”, “ESPN” theksoi se Inter Miami dhe Luis Suarez kanë arritur marrëveshje për një kontratë njëvjeçare. Madje, theksohet se marrëveshja mes dy palëve pritet të shpallet së shpejti.

Luis Suarez pritet të largohet nga Porto Alegre dhe Gremio, pasi pranoi se i kërkohet një formë fizike, që i mungon aktualisht. Në korrikun e kaluar ai kishte thënë në mënyrë karakteristike :

“Ndjej se vitin e ardhshëm nuk do të mund të garoj këtu, për shkak të gjendjes sime fizike dhe kërkesave të larta të ligës braziliane. Kjo është arsyeja që kam folur me klubin për ndërprerjen e kontratës time me Gremion një vit më herët.

Mund të jetë në dhjetor. Klubi ra dakord dhe unë jam mirënjohës për këtë. Nuk e di nëse do të vazhdoj të luaj diku tjetër për shkak të problemit tim kronik të gjurit, për të cilin ju e dini. Do t'u kërkoja tifozëve të Gremios të vlerësojnë që kanë një lojtar 37-vjeçar që luan gjithmonë edhe pse gjuri i dhemb shumë."

Mbetet për t'u parë nëse ai do të rivalizojë më në fund me Messin, mikun e tij më të mirë, në krah të tij.

B.T (Dosja.al)

Sondazh

Poll

MË SHUMË