Politike

U godit me grusht nga Nallbati në Kuvend, Sinaj: E kam falur, do mbështes grupin socialist nëse merr vendim

Sinaj tha se jashtë seancës, Nallbati i kishte thënë se nuk e kishte personalisht me atë pasi jashtë kishin raporte normale. 

31 Tetor 2023, 13:26 Nga r.ll
U godit me grusht nga Nallbati në Kuvend, Sinaj: E kam falur, do
vullnet sinaj

TIRANË-Deputeti i Partisë Socialiste, Vullnet Sinaj ka fajësuar kreun e PD-së Sali Berishën për incidentin e ndodhur dje në seancë parlamentare ku Bledjon Nallbati, deputeti demokrat e goditi me grusht. 

Sinaj tha se vetë personalisht nuk do të bënte ndonjë denoncim për Nallbatin por do të mbështeste grupin parlamentar të PS-së në çdo vendim që ata do të ndërmerrnin. Sinaj tha se jashtë seancës, Nallbati i kishte thënë se nuk e kishte personalisht me atë pasi jashtë kishin raporte normale. 

"Është një incident i krijuar nga Sali Berisha për ti shpëtuar drejtësisë shqiptare. Personalisht jo por do jem pjesë e grupit PS nëse ata do të ndërmarrin një vendim do të jem. Jashtë seancës i thashë Nallbatit pse e bënte atë veprim pasi kishim raporte normale. Përgjigjja e tij ishte se e kisha me kartën jo me ty", tha Vullnet Sinaj në një reagim jashtë Kryesisë së Kuvendit. 

vullnet sinaj bledjon nallbati

Sondazh

Poll

MË SHUMË