Politike

Komenti i avokatit Simoni, Berisha: E patë? Fytyra e vërtetë e Edi Ramës

Berisha tha se nuk kishte dijeni për dy avokatet që janë caktuar për seancën.

26 Tetor 2023, 12:06 Nga A.B
Komenti i avokatit Simoni, Berisha: E patë? Fytyra e vërtetë e
Sali Berisha

TIRANË- Kryetari i Partisë Demokratike, Sali Berisha në një deklaratë të shkurtër për mediat gjatë hyrjes në selinë e partisë, ka komentuar avokatet që iu caktua në seancën e djeshme.

Berisha duke qeshur, e quajti avokatin si “fytyra e vërtetë e Edi Ramës" dhe në vijim e sipër tha se nuk kishte dijeni për dy avokatet që janë caktuar për seancën.

“Kushtetuta dhe vetëm Kushtetuta. E patë ju kush ishte? Fytyra e vërtetë e tyre. Nuk kam asnjë njoftim për avokatët e rinj. Por ai që ishte, ai ishte ekzemplari më i shkëlqyer për fytyrën e Edi Ramës"- tha Berisha.

Ditën e djeshme, kur gjykata caktoi Simonin si avokat kryesisht për Berishën pas largimit nga seanca të dy avokatëve të tij, u shpërnda një status i Simonit që mendohet se i referohet Berishës.

“Bisha është plakur, bisha është lodhur, bisha s’mundet më. Shumë prej atyre që dikur bisha mbante mbi kurriz, pas kurrizit kanë filluar ta çukasin. Ku gaboi bisha?!” – ishte statusi i Artan Simonit./Dosja.al

gjyqi per berishen

Sondazh

Poll

MË SHUMË