Politike

Gazetarja i drejtohet Klevis Balliut: Ka 1 listë të re, do shpallesh non-grata nga Britania

Balliu e mori lajmin me sportivitet duke i buzëqeshur gazetares e cila e bindur tha që shumë shpejt lista do të bëhet publike.

25 Tetor 2023, 23:00 Nga I.A
Gazetarja i drejtohet Klevis Balliut: Ka 1 listë të re, do shpallesh
Klevis Balliu dhe Anduena Llabani

TIRANË- Gazetarja Anduena Llabani iu drejtua ish-deputetit Klevis Balliu duke i thënë se ka një listë të re me non grata që do të vijë nga ambasada britanike dhe aty është i përfshirë dhe ai. Në emisionin “Now” në Euronews, Balliu e mori lajmin me sportivitet duke i buzëqeshur gazetares e cila e bindur tha që shumë shpejt lista do të bëhet publike.

“I vetmi presion i SPAK-ut është faktori ndërkombëtar. Ti sot në SPAK ke struktura të reja që janë ngritur me vendet partnere europiane, bashkëpunim, shkëmbim informacioni, janë ngritur grupe të reja, s’ka qenë më parë kjo gjë. Ti ke ambasadën amerikane që ka koordinatorët e saj pranë SPAK dhe kërkon informacion për të gjitha çështjet që kanë lidhje me personat që janë shpallur në listën e zezë. Meqë ra fjala, ka fjalë që jeni dhe ju zoti Klevis në një listë të re që do të vijë shumë shpejt nga ambasada britanike. Ka një listë të re që pritet të vijë nga ambasada britanike, ku flitet që ka emra biznesmenësh, politikanësh dhe tani u kujtova zoti Balliu që aty dëgjova dhe mbiemrin tuaj,” u shpreh Llabani.

anduena llabani klevis balliu

Sondazh

Poll

MË SHUMË