Sport

Dëmtohet mbrojtësi i Barcelonës, dyshohet se mund të humbasë “El Clasico”-n...

Barcelona barazoi 2-2 jashtë fushe me Granadën në ndeshjen e javës së 9-të të La Liga-s.

9 Tetor 2023, 12:37 Nga DOSJA
Dëmtohet mbrojtësi i Barcelonës, dyshohet se mund të

SPANJE - Pas rezultatit 2-2 ndaj Granadës, katalanasit shënuan ndeshjen e tyre të tretë pa fitore në këtë sezon kampionati, pasi kishin barazuar tashmë me Mallorca (rezultati 2-2, në javën e 7-të jashtë) dhe Getafen (rezultati 0-0, në ndeshjen e parë). 

Por, përtej këtij gjysmë dështimi në këtë ndeshje, ‘Blaugrana’ ka humbur një nga titullarët e saj më të rëndësishëm: Jules Kounde (24 vjeç), i cili ka dëmtuar gjurin e majtë, pas një goditjeje të marrë nga shoku i tij i skuadrës, Gavi. Kështu, mbrojtësi francez u zëvendësua në minutën e 44-t të takimit nga Ronald Araujo (24 vjeç). 

Sipas “Mundo Deportivo”, Jules Kounde, pas dëmtimit të pësuar në ndeshjen me Granadën, është i pasigurt për “El Clasico” me Real Madridin, nga java e 11-të e La Ligës, ndeshje që do të zhvillohet të shtunën, më 28 tetor, në stadiumin "Estadi Olimpic Lluis Companys" (“Camp Nou" është në proces të plotë rinovimi). 

Nëse kjo mungesë konfirmohet, atëherë francezi Kounde do të jetë lojtari i 5-të në skuadrën e përgatitur nga trajneri katalanas, Xavi Hernandez, i pasigurt për “El Clasico”, pas Pedri, De Jong, Raphinha dhe Lewandowski .

Jules Kounde ka luajtur 11 ndeshje këtë sezon për Barcelonën, duke arritur të shënojë edhe një gol. 60 milionë euro është pjesa e tregut për Kounde, sipas Transfermarkt. Në sezonin e kaluar, mbrojtësi francez luajti në 40 ndeshje për skuadrën e “Camp Nou”, në të gjitha garat, duke arritur të shënojë një gol dhe të japë 6 asistime vendimtare. 

B.T (Dosja.al)

Sondazh

Poll

MË SHUMË