Sport

Shokuese! Manchester City në rrezik, qeveria angleze do të hetojë aferat e Sheikh Mansour me Rusinë, gjatë luftës me Ukrainën!

Qeveria britanike po heton biznesin mes Sheikh Mansour, pronarit të Manchester Cityt dhe Rusisë së Vladimir Putin gjatë luftës me Ukrainën. Biznesmeni arab mund të humbasë klubin nëse shpallet fajtor!

9 Tetor 2023, 09:00 Nga DOSJA

Shokuese! Manchester City në rrezik, qeveria angleze do të hetojë

ANGLI - Pronari i Manchester Cityt mund të mbesë pa klubin e trajnerit Pep Guardiola: Qeveria britanike po heton aferat mes Sheikh Mansour dhe Rusisë së Vladimir Putin gjatë luftës me Ukrainën!

Një firmë ligjore e specializuar, e aktivistëve ukrainas, i ka kërkuar qeverisë britanike të nisë një hetim mbi lidhjet e supozuara midis Sheikh Mansour, pronarit të klubit të Manchester Cityt, dhe Rusisë.

Këta avokatë, të cilët zgjodhën të mbeten anonimë, për të shmangur hakmarrjen e mundshme nga Rusia, i dërguan një letër sekretarit të jashtëm britanik, James Cleverly, me qëllim që të sqaronin nëse Mansour, përveç pronarit të klubit, mban edhe postin e kryeministrit të Emirateve të Bashkuara Arabe. Ata sugjeruan se Mansour mund të ketë ndihmuar biznesmenët ruse për të transferojnë pasurinë e tyre në Emiratet e Bashkuara Arabe gjatë konfliktit me Ukrainën.

Nëse qeveria britanike zbulon se Mansour ka lidhje me këto aktivitete, kjo mund të çojë në humbjen e të drejtës së tij për të zotëruar Manchester Cityn sipas rregulloreve të pronësisë së Premier League, të cilat u prezantuan në mars.

Shokuese! Manchester City në rrezik, qeveria angleze do të hetojë

Ky skenar mund të ngjajë si me rastin e Roman Abramovich, i cili duhej të shiste klubin e Chelseat vitin e kaluar. Megjithatë, avokatët theksuan se ata nuk po e akuzojnë Mansurin për ndonjë keqbërje specifike:

“Sheikh Mansour është pronar i një prej klubeve më të mëdha të futbollit në Mbretërinë e Bashkuar dhe është një person që duhet t'i nënshtrohet një shqyrtimi të arsyeshëm nga qeveria e Mbretërisë së Bashkuar. Për të shmangur dyshimet, ne nuk po e akuzojmë Mansurin për ndonjë keqbërje”.

Me informacionin public, që sugjeron se disa individë të pasur në Rusi kanë transferuar para në Emiratet e Bashkuara Arabe, avokatët kanë argumentuar se ka një bazë që qeveria britanike të nisë një hetim. Klubi i Manchester City është tashmë nën hetim nga Premier League për më shumë se 200 shkelje të supozuara të rregullave ekonomike të ligës.

B.T (Dosja.al)

 

Sondazh

Poll