Sport

Kroatët në ekstazë… Transferimi ‘tronditës’ në horizont!

Futbollisti i njohur kroat dhe asi i Real Madridit, Luka Modric, sipas drejtuesve të Dinamo Zagrebit mund të jetë objektivi kryesor i “Bluve” këtë dimër.

16 Shtator 2023, 14:27 Nga DOSJA

KROACI - Një nga lojtarët më të mirë të ditës së sotme, Luka Modric, ka refuzuar ofertat e shumta nga klubet arabe për të qëndruar në Real Madridin e famshëm dhe tani mund të kthehet te Dinamo e tij e dashur!

Në moshën 38-vjeçare, kombëtarja e fqinjit vazhdon të luajë futboll të klasit të lartë dhe në Zagreb planifikojnë ta rikthejnë Lukën në vendin ku nisi gjithçka pas përfundimit të kontratës me “klubin mbretëror”! 

Ky informacion tronditi shumë, sepse pakkush prisnin që Luka t'i varte këpucët e futbollit në vendin e tij të lindjes. Së fundmi, në Facebook, Dinamo ka pasur një postim kushtuar Modricit me hashtagun “ImaloBiSmisla”, ndërsa këtë histori e ka ndezur tashmë presidentja menaxhere e këtij klubi, Vlatka Peras.

"Luka është në vitin e fundit të kontratës së tij, sigurisht që do ta telefonoj këtë dimër. Pra, si mundet që Dinamo të mos e dëshirojë Luka Modriçin? Nuk mund të them se jam në kontakt të vazhdueshëm me të, por njoh anëtarë të familjes së tij. Do të kishte kuptim nëse rikthehet në Dinamo në fund të karrierës së tij, pse jo? Dinamo me siguri do të bëjë gjithçka që është në fuqinë e saj, për ta realizuar atë. Tani, a do të mjaftojë, do të shohim,"- tha ajo në një intervistë për “Index”. 

Modriç fenomenal erdhi te Dinamo nga Zadari në vitin 2000, si një djalë 15-vjeçar dhe tre vjet më vonë u dërgua në Zrinjski nga Mostari në formë huazimi. Kjo u pasua me kalimin te Interi nga Zapreshicit dhe më pas nga viti 2005 deri në vitin 2008 ai ishte ylli i Dinamos. 

Ai shkoi në Tottenham dhe pas katër sezonesh në Premier League, ai shkëlqeu te Reali për më shumë se një dekadë. Nëse ai përfundimisht kthehet në Zagreb, padyshim që do të ishte bomba më e madhe e transferimeve në këtë fushë.

Kroatët në ekstazë… Transferimi

B.T (Dosja.al)

Sondazh

Poll

MË SHUMË