Sport

Guardiola “hedh rrjetat” dhe insiston të marrë yllin e ri të Barcelonës në “Etihad”...

I talentuari Lamin Yamal është në fokusin e “Qytetarëve”.

16 Shtator 2023, 12:34 Nga DOSJA
Guardiola “hedh rrjetat” dhe insiston të marrë yllin e ri

ANGLI - Kampionët e Anglisë, Manchester City, po tregon një interes serioz për anësorin e ri të Barcelonës, Lamin Yamal, raporton “Marca”.

Gjatë afatit kalimtar të verës, trajneri i “Qytetarëve”, Josep Guardiola, tentoi ta çonte të riun në “Etihad”, por vetë Yamal e hodhi poshtë një opsion të tillë, pasi synon të vendoset në përbërjen e katalanasve.

Në fund të sezonit të kaluar, anësori u bë debutuesi më i ri për Barçën në historinë e La Ligës spanjole.

Në sezonin aktual, Yamal mori pjesë për kombëtaren e Spanjës dhe kështu u bë golashënuesi më i ri në historinë e ekipit të “La Roja”-s.

Deri më tani, futbollisti sulmues ka regjistruar 4 ndeshje për Barcelonën, në të cilat mund të mburret me 2 asistime në llogarinë e tij.

B.T (Dosja.al)

Sondazh

Poll

MË SHUMË