Politike

'Njërin e njoh..'/ Gjiknuri flet për Zoton: Nuk është terrorist ndërkombëtar, mos gjykoni veprimet e 15 viteve më parë

I pyetur nëse ka dëshmuar në SPAK, ai tha se ende nuk është marrë në pyetje. Ai u shpreh se nuk ka asnjë lidhje me këtë aferë, ndërsa shtoi se të njohësh dikë që përfshihet në një çështje penale, nuk të bën të fajshëm.

28 Korrik 2023, 11:28 Nga A.B
'Njërin e njoh..'/ Gjiknuri flet për Zoton: Nuk
Damian Gjiknuri

TIRANË- Damian Gjiknuri kërkon nga mediat dhe nga opinioni që të mos gjykojnë për veprime që janë kryer këtu e 10 apo 15 vite më parë. I pyetur nëse ka dëshmuar në SPAK, ai tha se ende nuk është marrë në pyetje. Ai u shpreh se nuk ka asnjë lidhje me këtë aferë, ndërsa shtoi se të njohësh dikë që përfshihet në një çështje penale, nuk të bën të fajshëm.

Pyetja- Ju deklaruat se keni shkuar me gazetarët por asnjëri nuk ka marrë kontratë nga shteti. Sa normale është kjo procedurë në favor të kompanisë së një personi që rezulton se ka paguar hotele për ju. Nuk ju shqetëson që ky ka marrë të dhënat personale për ju

Gjiknuri- Unë shqetësohem për veprimet që bëj vetë. Moszbatimi i ligjit do ishte krim. Nuk kanë lidhje njëra me tjetrën. Unë nuk kam propozuar që të bëhet impianti i djegies, nuk e gjykoj që ishte gabim. Drejtësia do e nxjerrë, po deri më tani nuk ka dalë që unë kam përfituar. Këta ishin 2 njerëz që bënin bizneset e tyre, njërin e njoh që në vitin 2001 kur punova në ministrinë e mbrojtjes me të, por mos gjykoni veprimet e 10-15 vjet më parë. Nuk është terrorist ndërkombëtar. Vendimarrjet janë vepra për t'u gjykuar. 

 

damian gjiknuri

Sondazh

Poll

MË SHUMË