Politike

Gjiknuri i kalon Klosit detyrën e Sekretarit të Përgjithshëm: Në shtator nisim procesin zgjedhor në PS

Gjatë fjalës së tij, Gjiknuri falënderoi bashkëpunëtorët e tij dhe i uroi suksese Klosit.

28 Korrik 2023, 11:10 Nga A.B
Gjiknuri i kalon Klosit detyrën e Sekretarit të
Damian Gjiknuri

TIRANË- Damian Gjiknuri i ka kaluar ditën e sotme zyrtarisht detyrën e Sekretarit të Përgjithshëm të PS-së, kolegut të tij, Blendi Klosi. Gjatë fjalës së tij, Gjiknuri falënderoi bashkëpunëtorët e tij dhe i uroi suksese Klosit. Ai tha se PS ka nisur një analizë për rezultatin në zgjedhje, ndërsa paralajmëroi se në shtator do të nisë edhe procesi zgjedhor brenda PS-së.

“Kjo është një ditë e veçantë për mua, pasi pas 2 vitesh ia dorëzoj këtë detyrë një kolegu të nderuar. PS iu nënshtrua një procesi riorganizimi. PS iu nënshtruar një organizimi që nga drejtimi i partisë deri te sekretariatet. Rezultati i zgjedhjeve të fundit PS arriti që të merrte një fitore historike. Dua të falënderoj të gjithë bashkëpunëtorët e ri. PS ka nisur një proces analize mbi këtë rezultat, dhe sekretariatit iu ofrua që të jepej dorëheqje. Në shtator do të jemi në një proces reformimi. Organizatat janë të forta dhe të qëndrueshme kur nxjerrin mësim dhe nga fitoret. I uroj Klosi që do të dijë të çojë në një stad të mirë organizimin në funksion të betejave elektorale”, tha Gjiknuri.

damian gjiknuri

Sondazh

Poll

MË SHUMË