Aktualitet

Operacioni “Territor i pastër”, asgjesohen me anë të djegies 609 bimë kanabis (FOTO)

Policia e Krujës ka vijuar kontrollet në malësinë e Krujës dhe në fshatra të ndryshme të rrethit, duke përdorur dhe dronë, për goditjen e veprimtarisë kriminale të kultivimit të bimëve narkotike.

24 Korrik 2023, 09:58 Nga m.s
Operacioni “Territor i pastër”, asgjesohen me anë të
operacioni i policise per lenden narkotike

KRUJË- Policia e Krujës ka vijuar kontrollet në malësinë e Krujës dhe në fshatra të ndryshme të rrethit, duke përdorur dhe dronë, për goditjen e veprimtarisë kriminale të kultivimit të bimëve narkotike. Si rezultat i kontrolleve të ushtruara në kuadër të fazës së 31-të të megaoperacionit policor antikanabis të koduar “Territor i pastër”, në malësinë e Krujës u gjetën të kultivuara 609 bimë të dyshuara narkotike cannabis sativa. Ato u asgjësuan me anë të djegies.

Njoftimi nga policia

Finalizohet faza e 31-të e megaoperacionit policor antikanabis të koduar “Territor i pastër”. Si rezultat i kësaj faze u asgjësuan 609 bimë narkotike kanabis, që u gjetën të kultivuara në malësinë e Krujës. Më parë, në kuadër të këtij operacioni, janë gjetur dhe asgjësuar 17 955 bimë narkotike kanabis. Shërbimet e Komisariatit të Policisë Krujë kanë vijuar intensivisht kontrollet në malësinë e Krujës dhe në fshatra të ndryshme të rrethit, duke përdorur dhe dronë, me qëllim parandalimin, evidentimin dhe goditjen e veprimtarisë kriminale të kultivimit të bimëve narkotike. Si rezultat i kontrolleve të ushtruara në kuadër të fazës së 31-të të megaoperacionit policor antikanabis të koduar “Territor i pastër”, në malësinë e Krujës, u gjetën të kultivuara 609 bimë të dyshuara narkotike cannabis sativa, të cilat u asgjësuan me anë të djegies. Megaoperacioni policor antikanabis i koduar “Territor i pastër”, vijon. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

kruje kanabis

Sondazh

Poll

MË SHUMË