Aktualitet

Pogradec/Publikohet fotoja e 55-vjeçarit që ngacmoi seksualisht të renë, për të njëjtën akuzë humbi punën 3 vite më parë

Arian Mema është i njohur për policinë, pasi për një ngjarje të tillë është akuzuar edhe në 2020, vit kur punonte si Inspektor Tatimesh në Drejtorinë e Tatimeve të Korçës.

24 Korrik 2023, 09:10 Nga m.s
Pogradec/Publikohet fotoja e 55-vjeçarit që ngacmoi seksualisht
komisariati Pogradec

POGRADEC- Në media është publikuar fotoja e 55-vjeçarit Arian Mema, që ngacmoi seksualisht dy ditë më parë një 25-vjeçare në ambientet e punës në Pogradec.

Pogradec/Publikohet fotoja e 55-vjeçarit që ngacmoi seksualisht

Ndonëse ai tre vite më parë humbi edhe punën për ngacmime seksuale, ka përsëritur sërish të njëjtin akt. Arian Mema është i njohur për policinë, pasi për një ngjarje të tillë është akuzuar edhe në 2020, vit kur punonte si Inspektor Tatimesh në Drejtorinë e Tatimeve të Korçës. Pas arrestimit të atëhershëm, ai u shkarkua nga puna dhe punonte në sektor privat me shitje dhe montim panelesh diellorë. Pas tre vitesh, Mema bie sërish në prangat e policisë, për të njëtën akuzë, atë të ngacmimit seksual.

25-vjeçarja, punonjëse në një subjekt privat, është çuar pa ndjenja në spitalin e Pogradecit. Nga deklarimet e vajzës rezultoi se ajo ishte ngacmuar seksualisht në vendin e saj të punës nga shtetasi Arian Mema, dhe për pasojë kishte humbur ndjenjat. Ngjarja kishte ndodhur teksa Mema ka qenë duke montuar dushe në subjektin ku vajza punonte si pastruese.

arian mema ngacmim seksual

Sondazh

Poll

MË SHUMË