Sport

Trajneri i Dinamo Batumit për Tiranën: “Na ka lënë në terr… nuk dimë asgjë për ta!”

Sot në orën 19:00 me orën e Shqipërisë do të startojë ndeshja e dytë mes Dinamo Batumit dhe Tiranës, takimi i parë u mbyll me shifrat 1-1.

20 Korrik 2023, 10:04 Nga DOSJA
Trajneri i Dinamo Batumit për Tiranën: “Na ka lënë

GJEORGJI - Tirana do të përballet sot në orën 21:00 me orën locale dhe 19:00 me orën e Shqipërisë ndaj Dinamo Batumit në ndeshjen e kthimit. Pas barazimit 1-1 në “Air Albania”, bardheblutë do të ndeshen me gjeorgjianët në transfertë.

Trajneri i Batumit, Geuguchadze, ka folur me superlativa për Tiranën. Nga ana tjetër theksohet mungesa e informacionit për bardheblutë, kryesisht pasi ekipi shqiptar zgjodhi që ndeshjet miqësore përgatitore të mos transmetoheshin për të mbetur enigmë për rivalin.

“Jemi në humor të mirë para kësaj ndeshje. Por për Tiranën, na mbylli gjithçka sa më shumë që mundej, kemi fare pak informacione për ta. Dimë vetëm që i janë shtuar disa lojtarë me shumë kualitete. Tirana është bërë shumë më e fortë tani, do ta njohim vetëm në fushë. Është e vështirë që të bësh një parashikim”, tha trajneri i Batumit.

B.T (Dosja.al)

Sondazh

Poll

MË SHUMË