Politike

“Kutia sapo është hapur”/ Gazetarja bën paralajmërimin e fortë: Mund të ketë emra të tjerë, SPAK po heton

Ndër të tjera shtoi se SPAK ka hapur edhe çështje të tjera të koncesioneve.

13 Korrik 2023, 23:02 Nga I.A
“Kutia sapo është hapur”/ Gazetarja bën
Anila Hoxha

TIRANË- Gazetarja Anila Hoxha bëri një paralajmërim të fortë në çështjen e ish-zv. kryeministrit Arben Ahmetaj, për hetimet që SPAK po kryen. Në emisionin “Top Story” në Top Channel, Hoxha tha se kutia sapo është hapur, pasi mund të ketë edhe emra të tjerë të përfshirë përveç Ahmetajt. Ndër të tjera shtoi se SPAK ka hapur edhe çështje të tjera të koncesioneve.

“Është interesant fakti, Damian Gjiknuri është person në verifikim në SPAK për shkak të këtyre e-maileve, është për këtë çështje, Zyrtarët e Ministrisë së Drejtësisë vazhdojnë të jenë nën verifikim. Nesër në rast se parlamenti voton, me shumë mundësi që t’i japë kartonin jeshil vullnetit të SPAK për të lejuar të shkojë në Gjykatën e Posaçme nuk është surprizë që përveç Arben Ahmetaj të ketë edhe shumë emra të tjerë, zyrtarë të nivelit zbatues apo edhe biznesmenë, të cilët konsideron të përfshirë dhe implikuar në këtë aferë, për të cilët do të kërkohet masë sigurie. Di të them që kutia sapo është hapur, për çështjen jo vetëm të inceneratorëve, por aktualisht në SPAK sipas burimeve janë hapur edhe çështje të tjera koncesionesh”, u shpreh Hoxha.

anila hoxha

Sondazh

Poll

MË SHUMË