Sport

Vllaznia gjunjëzohet në Irlandën e Veriut, kualifikimi një "mision gati i pamundur"!

Pas një pjese të pare që u mbyll 0-0, pas pushimit skuadra shkodrane dorëzohet dhe humb 3-1.

13 Korrik 2023, 22:28 Nga DOSJA

BELFAST - Vllaznia nuk arrin të marrë asgjë në Irlandën e Veriut përballë Lienfield, me të cilën munden 3-1, duke mbyllur me shumë mundësi çështjen e kualifikimit, pas këtyre 90 minutave.

Pjesa e parë mes emocioneve dhe mungese të eksperiencës së djemve të rinj të Memellit, por edhe nivelit të kundërshtarit, u mbyll me shifrat 0-0, por me një lojë të dominuar nga irlandezoveriorët në qarkullim por edhe raste.

Në të dytën Vllaznia kishte më tepër besim dhe arriti të rrezikojë portën kundërshtare me sulmuesin kreysor të saj Bekim Balaj, që u nxitua në finalizim. Pak minuta më pas, saktësisht në të 57-tën minutë Lindfield kalon në avantazh me McKee.

Vetëm 10 minuta më pas, përafërsisht, në minutën e 68-të pas një gabimi të mbrojtësit Stojanoviç, sërish McKee shënon edhe golin e dytë për Lindfield, duke i dhënë një goditje të rëndë shkodranëve edhe nga ana psikologjike.

Kjo solli edhe golin e tretë për skuadrën e Irlandës së Veriut në minutën e 76-të me autor Jack Scott.

Ne minutën e 86-të Lindfield mbetet me 10 lojtarë, pas daljes me karton të kuq (2 verdha) Finlayson. Nga ajo goditje dënimi, skema e shkodranëve funksionon dhe Juriç shënon golin e nderit për Vllazninë, 3-1.

Vllaznia gjunjëzohet në Irlandën e Veriut, kualifikimi një
Juric, ai që shënoi golin e nderit per Vllazninë

B.T (Dosja.al)

Sondazh

Poll

MË SHUMË