Sport

Ylli portugez Cristiano Ronaldo i futet një tjetër biznesi, investon te "Jacob and Co"…

Cristiano Ronaldo synon të jetë edhe “mbret” i biznesit. Një tjetër investim i yllit portugez.

13 Korrik 2023, 18:27 Nga DOSJA

Ylli portugez Cristiano Ronaldo i futet një tjetër biznesi, investon

PORTUGALI - Cristiano Ronaldo po zgjeron sërish aktivitetet e tij të biznesit. Përpos që është “mbreti” i futbollit, ai dëshiron të arrijë majat edhe me bizneset e tij. Një lëvizje e re biznesi e yllit portugez vjen duke u shtuar atyre tashmë ekzistuese. Sulmuesi i Al Nasr dihet se ka një dashuri të veçantë për orët luksoze, për këtë arsye mendoi se investimi i tij i ri do të lidhej me to.

CR7, duke përfaqësuar kompaninë "Jacob and Co" donte të bashkohej si investitor në një kompani të re të orëve, "Chrono24". Futbollisti dhe kompania njoftuan përmes një postimi në Instagram nisjen e rrugëtimit të tyre të përbashkët.

 
 
 
 
 
View this post on Instagram
 
 
 
 
 
 
 
 
 
 
 

A post shared by Chrono24 (@chrono24)

"Si një futbollist të duhen rreth 90 minuta për të fituar. Si një koleksionist obsesiv orësh, ai e bën atë në sekonda. Adhuruesit e orëve në mbarë botën, kemi një lajm të pabesueshëm për ju: Cristiano Ronaldo sapo i është bashkuar "Chrono24" si aksioner.

Pasioni i tij për orët ka takuar gjeniun e tij të biznesit dhe po i çon të dyja në një nivel tjetër. Është një ditë e madhe për ne dhe për komunitetin tonë, dashuria e të cilëve për orët nuk njeh kufij.

Një fitore për vetë artin. Dhe prova që ëndrrat mund të arrihen me këmbë, tru dhe përkushtim të pafund”,- thuhet në mbishkrimin nën postim.

Dhe vetë futbollisti ka ndarë me miqtë e tij online investimin e ri me një histori në Instagram.

Ylli portugez Cristiano Ronaldo i futet një tjetër biznesi, investon

“Shumë i lumtur për këtë investim të ri”, ka shkruar ai.

B.T (Dosja.al)

Sondazh

Poll

MË SHUMË