Sport

VIDEO/ Bardheblutë bëjnë Tiranën në “Air Albania”, në shtesë arrijnë barazimin e merituar përballë Dinamos së Batumit

Tirana edhe pse meriton komplimente për shpirtin e garës, nuk ishte rrjedhshme në lojën e saj, duke dëshmuar se ardhjet e reja duan kohën e duhur për t’u harmonizuar.

13 Korrik 2023, 22:09 Nga DOSJA

VIDEO/ Bardheblutë bëjnë Tiranën në “Air

TIRANE - Shumë emocione në “Air Albania”. Në kohën shtesë, bardheblutë treguan Tiranën e vërtetë, dhe ia arritën të shënojnë golin e barazimit 1-1, një rezultat i merituar i kryeqytetasve.

Në minutën e 67-të të takimit, pas një gabimi të mbrojtjes bardheblu, Irakli Bidzinashvili lëviz bukur në krahun e djathtë dhe pason për Flamarion. Braziliani i vetëm përballë portës e shtyn topin për në rrjetë dhe 1-0 për Dinamon.


Por Tirana, një skuadër që di të vuajë, nuk u dorëzua, ngulmoi dhe në minutën shtesë (90’+3) arriti që me mesfushorin Lushkaj, të gjejë golin e barazimit në 1-1, një rezultat ky mëse i drejtë për atë çka dha skuadra bardheblu.


Natyrisht, ky rezultat e le të hapur çështjen e kualifikimit të turit të dytë të Conference League. Tirana edhe pse meriton komplimente për shpirtin e garës, nuk ishte rrjedhshme në lojën e saj, duke dëshmuar se ardhjet e reja duan kohën e duhur për t’u harmonizuar.

B.T (Dosja.al)

Sondazh

Poll

MË SHUMË