Sport

Trajneri Ten Hag: “Kapiteni i United do të jetë vendimi im, jo i skuadrës”

Erik Ten Haag e ka bërë të qartë se kapiteni i Manchester United do të vendoset nga ai dhe nuk do të lihet në votim nga ekipi.

13 Korrik 2023, 18:02 Nga DOSJA
Trajneri Ten Hag: “Kapiteni i United do të jetë vendimi im, jo i

ANGLI - Harry Maguire ka qenë kapiten i Manchester United që nga janari 2020, por qendërmbrojtësi ndërkombëtar i Anglisë ishte jashtë skuadrës për pjesën më të madhe të sezonit të kaluar, me Bruno Fernandes që mbante shiritin në krahë në vend të tij. 

I pyetur nëse do ta linte skuadrën të vendoste për kapitenin e United, trajneri i “Djajve të Kuq”, Erik Ten Haag u përgjigj: “Jo, nuk e lë dhomën e zhveshjes të votojë. Është në dorën time”.

Maguire është efektivisht qendërmbrojtësi i pestë i United, pas Lisandro Martinez, Raphael Varane, Victor Lindelof dhe Luke Shaw. Sipas asaj që raportoi “The Athletic” muajin e kaluar, megjithëse Maguire dëshiron të luftojë për vendin e tij, United nuk po përjashton mundësinë e shitjes së tij në afatin kalimtar aktual.

Ndërkohë, trajneri i Anglisë, Gareth Southgate, ka paralajmëruar se rrezikon të humbasë vendin e tij në kombëtare, nëse nuk merr minuta të qëndrueshme në nivel klubesh. Përveç Fernandes, shiritin në krah e mbante edhe David De Gea, i cili tashmë i përket klubit të së kaluarës, i cili tashmë synon Andre Onana të Interit për ta zëvendësuar.

“Sigurisht është e rëndësishme të nënshkruhet shpejt me Onanën,”- shtoi Ten Haag. “Portieri është një pozicion kyç, por unë jam i kënaqur me lojtarët që kemi tani”. 

Dean Henderson e kaloi sezonin e kaluar në huazim te Nottingham Forest dhe bëri përshtypje, edhe pse ai nuk ishte në skuadrën e United për fitoren e tyre miqësore parasezonale 2-0 ndaj Leeds, pasi ai vazhdon të rikuperohet nga dëmtimi që mori në janar. Sigurisht që Forest dëshiron ta mbajë 26-vjeçarin, por me të gjitha llogaritë ai është një kandidat për numrin një të United nëse lëvizja e Onanës nuk realizohet.

B.T (Dosja.al)

Sondazh

Poll

MË SHUMË