Sport

Conference League/ Dwamena në “frymën e fundit” i jep barazimin e merituar Egnatias në sfidën e parë ndaj Araratit… (video)

Egnatia e mbyll me barazim 1-1 takimin e pare në transfertë përballë Araratit të Armenisë, në debutimin e saj historik në Kupat e Europës.

13 Korrik 2023, 19:15 Nga DOSJA

Conference League/ Dwamena në “frymën e fundit” i jep

ARMENI - Në sekondat e fundit, Rafael Dwamena shënoi golin e parë europian për Egnatian, duke fiksuar barazimin e merituar 1-1 për skuadrën rrogozhinase, e cila për hir të vërtetës e vuajti shumë mungesën e përvojës kontinentale.

Edhe pse rastet më të pastra për shënim i pati Egnatia, me dy raste të pastërta të Kasajt për shënuar, ishin armenasit që në minutën e 36-të kaluan në epërsi. Nga një goditje këndore, Alemao goditi me kokë dhe 1-0 me topin që përfundon në rrjetën e portës së Sherrit.


Në pjesën e dytë e gjithë loja foli për Egnatian, e cila do të ushtronte presion për të shënuar përballë një Ararati të kthyer i gjithi në mbrojtje për të ruajtur golin e shënuar. Dhe përballë kësaj loje, skuadra rrogozhinase do të vuante shumë, deri sa në minutat shtesë, 90’+7, pas një rrëmuje në zone, do të gjente golin e barazimit të merituar 1-1.


Pas një jave, me gjithçka në barazpeshë por me një moral tjetër të rritur, Egnatia do të ketë shansin për të fituar në ndeshjen e kthimit ndaj Ararat, dhe kaluar në turin e dytë të Conference League, çka do të ishte një sukses historik për skuadrën rrogozhinase.

B.T (Dosja.al)

Sondazh

Poll

MË SHUMË