Sport

Beckham zbulon transferimin, që gati e çoi Victorian në prag të një krizë nervore: “Ajo është një grua e pabesueshme”...

Victoria e humbi durimin kur i shoqi i tha se do të ikte sërish në një vend tjetër

7 Korrik 2023, 09:00 Nga DOSJA
Beckham zbulon transferimin, që gati e çoi Victorian në prag

SHBA - David Beckham kujton se gruaja e tij, Victoria Beckham, "shpërtheu në lot" kur ai i zbuloi se do të luante për PSG. Ajo nuk qau nga lumturia, por nga zhgënjimi.

Çifti u njoh kur ish-futbollisti anglez luante për Manchester United. Më pas, në vitin 2003, të dy u transferuan në Spanjë, kur David nënshkroi për Real Madridin.

Shtetet e Bashkuara (ku luajti për LA Galaxy) dhe Italia (Milani) pasuan. Por në vitin 2013 e ardhmja e Beckham ishte e pasigurt dhe çifti vendosi të kthehej në Angli. Derisa erdhi ftesa e PSG-së...

"Për herë të parë ajo mundi të zgjidhte se ku do të jetonim, sepse më parë e gjithë familja ishte pas meje. Kështu ajo vendosi që ne të ktheheshim në Londër, ku ajo ka biznesi i saj. Por më ra telefoni dhe ishte presidenti i PSG-së...”, tha Beckham.

"Kur i thashë Viktorias ajo shpërtheu në lot, sepse ajo kishte menduar se më kishte kthyer. Por më pas ajo e kuptoi se kisha mundësinë të fitoja një tjetër trofe. Ajo është një grua e pabesueshme", shtoi ai.

Ish-ndërkombëtari anglez nuk kursehet në vlerësimet me superlativa të stilistes. "Unë kurrë nuk kam takuar dikë që punon aq shumë sa ajo. Ajo është e përkushtuar, jo vetëm për familjen e saj, por edhe për biznesin. Suksesi i saj është falë punës së palodhur gjatë viteve."

Beckham u tërhoq nga fusha e blertë pasi mbaroi kohën e tij në PSG në 2013. Në vitin 2019 ai bleu Inter Miami, klubin MLS, që këtë sezon ka njoftuar tashmë nënshkrimin e Lionel Messit.

B.T (Dosja.al)

Sondazh

Poll

MË SHUMË