Sport

Manchester United ka bërë një ofertë të re të përmirësuar për Andre Onanën...

“Djajtë e Kuq” nuk do të heqin dorë lehtë nga portieri kamerunas i Interit

6 Korrik 2023, 16:16 Nga DOSJA
Manchester United ka bërë një ofertë të re të

ANGLI - Drejtuesit e Manchester United kanë bërë një ofertë të re për portierin e Interit, Andre Onana. Oferta e mëparshme e “Djajve të Kuq” kapte vlerën e 35 milionë eurove, por u refuzua. 

Oferta e re, sipas ‘Sky Sports’, vlen pak më shumë se 50 milionë euro, e cila me shumë mundësi do të jetë e mjaftueshme për të bindur drejtuesit e Interit.

Onana është zgjedhja e parë e Manchester United për trajnerin Erik ten Haag. Holandezi i njeh shumë mirë cilësitë e kamerunasit dhe dëshiron të punojë sërish me të. 

Ajo që e dallon Onanën nga portierët e tjerë është puna e tij e shkëlqyer me këmbë, e cila i lejon ekipit të tij të luajë topin më qetë pranë zonës së penalltisë, diçka për të cilën përpiqet Erik ten Haag.

Manchester United nuk ka vendosur ende se çfarë do të bëjë me portierin e tyre aktual numër një, David de Gea. Spanjolit i skadon kontrata në fund të muajit dhe “Djajtë e Kuq” nuk e kanë rinovuar ende kontratën. 

Megjithatë, De Gea nuk ka bërë të ditur se do të largohet nga klubi. Për momentin ai është në pritje të vendimit të drejtuesve, pas së cilës do të mendojë, nëse do të qëndrojë në “Old Trafford” apo do të pranojë ofertën e Al Nasser që i është ofruar.

B.T (Dosja.al)

Sondazh

Poll

MË SHUMË