Sport

“Bombë” nga ishulli: Liverpool i dërgoi një ofertë Parisit për Kylian Mbappe...

“Reds” i janë bashkuar betejës për yllin francez

6 Korrik 2023, 17:06 Nga DOSJA

FRANCE - Superylli i Paris Saint-Germain, Kylian Mbappe, do të jetë protagonist gjatë afatit kalimtar të verës. Ndërkombëtari francez ka kontratë me PSG-në deri në fund të sezonit 2023/2024 dhe nuk dëshiron ta rinovojë atë.

Parizienët janë të bindur se verën e ardhshme nuk do ta humbin pa para lojtarin më të mirë në botë, ndaj e vetmja mundësi është ta shesin atë.

Real Madridi konsiderohet si favorit kryesor për Mbappe dhe pritet të ofrojë mbi 200 milionë për shërbimet e tij. Megjithatë, tashmë është e qartë se në betejë për Mbappe po hyn edhe gjiganti anglez Liverpool.

Sipas reporterit të ‘Sport Witness’, Edu Aguirre, “Anfield” tashmë janë në bisedime për Kylian Mbappe. Jurgen Klopp dhe drejtuesit e ‘Merseysiders’ do të përpiqen të joshin yllin francez për të kaluar nga Ligue 1 në Premier League.

“Duhet thënë, se në orët e fundit ka mbërritur një ofertë në zyrat e PSG-së, e cila vjen nga skuadra e Liverpool-it”,- ka thënë Aguirre.

“Edhe anglezët po hyjnë në skenë për Mbappen dhe kanë ofruar 200 milionë euro për transferimin e tij. Vetë Al-Khelaifi e pranoi se donte që të merreshin para për të, kështu që nuk dihet se çfarë do të ndodhë me të ardhmen e tij”,- shtoi gazetari i medias.

“Bombë” nga ishulli: Liverpool i dërgoi një