Sport

Juventus vë në tavolinë 50 milionë euro, për një nga yjet e mesfushës së Serisë A...

‘Bardhezinjtë’ e përfunduan sezonin 2022/2023 në vendin e shtatë në Serie A dhe iu desh të kënaqej vetëm me kualifikimin për në Conference League.

6 Korrik 2023, 14:05 Nga DOSJA
Juventus vë në tavolinë 50 milionë euro, për një

ITALI - Për të fituar kompeticionin e tretë europian dhe për t’u renditur sa më lart në kampionat, torinezët janë gati të fusin duart thellë në xhepa. 

Pasi mori Timothy Weah nga Lille, Juventus bëri gjithashtu një ofertë për një nga mesfushorët më të mirë të Serisë A. Sipas atyre ‘Fichajes’, “Zonja e Vjetër” e Torinos dëshiron që nga sezoni i ardhshëm të ketë në skuadër edhe Sergej Milinkoviç-Savic (28 vjeç).

Serbi po hyn në vitin e fundit të kontratës me Lazion dhe bosët e Juves kanë ofruar tashmë 50 milionë euro për ta marrë atë në Torino. Edhe pse arriti ta zgjasë kontratën me Adrien Rabiot, Juventusi kërkon një mesfushor qendror dhe ylli i lacialëve është zgjedhja e Massimiliano Allegrit. 

Sezonin e kaluar Sergej Milinkovic-Savic luajti në 47 ndeshje për skuadrën e kryeqytetit italian dhe arriti të shënojë 11 gola dhe të japë tetë asistime vendimtare. 50 milionë euro është vlera e tregut për mesfushorin serb të Lazios, sipas transfermarkt.com.  

Juventus gjithashtu po kërkon edhe transferimin e Lucas Vasquez të Real Madridit, që mund të luajë si mesfushor apo mbrojtës i djathtë. Duke marrë parasysh moshën e Lucas Vasquez, Juventus nuk do të ofrojë një shumë shumë të madhe për transferimin, bën të ditur Gianluca Di Marzio.

Më saktësisht, “Zonja e Vjetër” kërkon të ofrojë nga 6 deri në 8 milionë euro për ta transferuar spanjolin. Juventusi dëshiron të përfitojë nga fakti se Lucas Vasquez ka edhe një vit kontratë me Real Madridin. Negociatat mes palëve kanë nisur tashmë, por mbetet për t'u parë nëse ato do të përfundojnë në fund në favor të italianëve.

B.T (Dosja.al)

Sondazh

Poll

MË SHUMË