Sport

Spanja e injoroi, 'madrileni' Brahim Diaz mund të trokasë në derën Marokut…

Pas përfundimit të ‘misionit’ te Milani, mesfushori sulmues Brahim Diaz do të kthehet të Real Madrid sezonin e ardhshëm…

3 Qershor 2023, 12:31 Nga DOSJA
Spanja e injoroi, 'madrileni' Brahim Diaz mund të trokasë

SPANJE - Brahim Díaz do të jetë lojtar i Real Madrid sezonin e ardhshëm. Pas përfundimit të huazimit dy-vjeçar te Milani, lojtari nga Malaga, do të kthehet në klubin e bardhë për të përmbushur kontratën e tij, e cila përfundon në vitin 2025.

Dy gjëra bashkohen: huazimi ka mbaruar dhe, mbi të gjitha, ‘los blancos’, me konsensusin e Carlo Ancelottit, duan që ai të rikthehet nga Milani. Klubi madrilen beson se lojtari nga Malaga mund t'i ofrojë atij një profil interesant, Brahim është rritur shumë sezonin e kaluar në Serinë A. Si dëshmi, shifrat e tij (shtatë gola dhe shtatë asistime në 44 ndeshje gjithsej) dhe ndjenjat e tij (duke qenë më i miri në gjysmëfinalen e trishtë të Champions League kundër Interit).

Brahim Diaz do të luajë nesër kundër Veronës ndeshjen e tij të fundit si milanist pas tre vitesh në huazim në ‘San Siro’. Një lojtar shumë i dashur në Itali, por që kthehet në Spanjë, në shtëpinë e tij.

Një Spanjë, që megjithatë në nivel kombëtar, ia kthen shpinën. Dita e djeshme nuk ishte e lehtë për djalin dhe mjedisin e tij. Ata shpresonin që Luis de la Fuente, trajneri i kombëtares ‘La Roja’, do ta merrte Diazin në Nations League, duke marrë parasysh sezonin e mrekullueshëm që ka pasur në Itali. Një zhgënjim me një trajner që, kuriozisht, e kishte gjithmonë njeriun nga Malaga në U19 dhe U21.

A i hap kjo dyert e kombëtares së Marokut? Dihet që Brahimi Diaz mund të luajë për atë vend, pasi paraardhësit e babait të tij janë nga atje. Dhe dihet se kombëtarja e Marokut i ka trokitur me këmbëngulje në derën e tij për ta joshur që të veshë fanelën e gjysmëfinalistit të ri të Botërorit të kaluar. 

Deri më sot, Brahim Diaz e kishte lënë këtë mundësi në 'stand by', por mos thirrja në Nations League me kombëtaren spanjole mund ta bëjë atë të ndryshojë mendje. Lista e radhës e ‘La Roja’ është në shtator... Maroku vazhdon të bëjë presion... edhe pse ëndrra e BD është të ketë sukses në vendin e lindjes. Do të shohim se çfarë do të ndodhë, megjithëse vendimi, nëse do të kishte një ndryshim, nuk do të ishte kurrë i menjëhershëm.

Për këtë listë, tashmë do të ishte tepër vonë. Maroku ka dy ndeshje kualifikuese për  Kupën e Afrikës 2024 kundër Kepit të Gjelbërt dhe Afrikës së Jugut dhe lista tashmë është dhënë.

Në këtë ‘La Rojan’ spanjole nuk ka vend madrilenin Brahim Diaz. A do të shkojë ai me Marokun një ditë?

B.T (Dosja.al)

Sondazh

Poll

MË SHUMË