Sport

Zbulohet sekreti i sukseseve të Pep Guardiolës: “Duhet të flasësh të paktën tre gjuhë dhe të luash në tre pozicione”...

“Pep të bën të kuptosh se futbolli është më i lehtë nga sa e mendon”, thotë Fernandinho në një intervistë për ‘The Athletic’.

3 Qershor 2023, 10:45 Nga DOSJA
Zbulohet sekreti i sukseseve të Pep Guardiolës: “Duhet të

ANGLI - Pep Guardiola është një nga trajnerët më të mirë. Për shumë, më i miri.  Trajneri i Manchester Cityt po lufton këtë sezon për të fituar ‘trisin’ me ekipin e tij. Pas fitores së Premierligës, këtë të shtunë ata mund të ngrenë FA Cup, nëse mposhtin Manchester United në finale. Dhe të shtunën e ardhshme ai mund të mbyllë rrethin nëse fiton Champions League. Për ta bërë këtë, ‘Qytetarët’ do të duhet të mposhtin Interin.

Një nga ata që e njeh më mirë Pepin është Fernandinho, i cili ka zbuluar disa sekrete në një intervistë në The Athletic. "Yaya (Toure) thoshte: "Ka dy gjëra që të duhen të luash me Guardiolën. Duhet të flasësh të paktën tre gjuhë dhe duhet të jesh në gjendje të luash të paktën tre pozicione të ndryshme. Kuptoje këtë dhe ti". Do të jetë një ose dy hapa përpara, nga të gjithë të tjerët' ...”,- komenton lojtari, i cili kaloi disa vite nën urdhrat e trajnerit.

"Ai është një trajner brilant, i cili teston lojtarët e tij. Shikoni John Stones, një qendërmbrojtës që është transferuar në mesfushë këtë sezon. Shikoni ata mbrojtësit e kundërt. Shihni se si ata janë përshtatur me praninë e Haaland",- vazhdon ai për The Athletic.

Intervistuesi ishte Alan Shearer, një legjendë e Premier League, të cilit Fernandinho i tha se me Guardiolën ai do të kishte shënuar shumë gola të tjerë në karrierën e tij. “Jam i sigurt se nëse do të kishit Pep si trajner, ju do të kishit shënuar edhe më shumë, dyfish apo trefish”,- shprehet Fernandinho.

"Pep të bën të kuptosh se futbolli është më i lehtë nga sa mendon. Ai ka fuqinë t'ju bindë, të jua tregojë këtë çdo ditë në stërvitje, në takime dhe, mbi të gjitha, gjatë ndeshjeve, se gjithçka që ju thotë do të ndodhë”,- përfundon ai.

B.T (Dosja.al)

Sondazh

Poll

MË SHUMË