Bota

Situatë e qetë në Leposaviç/ Serbët provokojnë sërish, afrohen te barrikadat e KFOR-it

Forcat e KFOR-it u kanë kërkuar protestuesve në Leposaviç që të ruajnë qetësinë.

30 Maj 2023, 10:46 Nga a.l
Situatë e qetë në Leposaviç/ Serbët provokojnë
Protesta në Kosovë

KOSOVË- Vijon pa incidente protesta në veri të Kosovës. Protestuesit serbë vazhdojnë të qëndrojnë pranë selisë komunale në Leopsaviç. Ata kanë lëvizur drejt barrikadës ku janë vendosur trupat e KFOR-it dhe shihet teksa bisedojnë. 

Forcat e KFOR-it u kanë kërkuar protestuesve në Leposaviç që të ruajnë qetësinë. Ata thonë se nuk duan që në këtë komunë të ndodhin konfrontime, siç kanë ndodhur mbrëmë në Zveçan dhe se nuk duan tensione. 

Si paraqitet situata në veri të Kosovës? 

Qytetarët serbë kanë dalë sot sërish në protestë në veri të Kosovës për të ndaluar hyrjen e kryetarëve të rinj shqiptarë në selitë e komunave në veri Zubin Potok, Zveçan dhe Leposaviç. Protesta ka nisur pa incidente, ndërsa KFOR dhe Policia e Kosovës kanë ngritur barrikada sigurie rreth ndërtesave shtetërore për të shmangur përshkallëzimin e situatës. Ndërkohë, kryekomunarët kanë njoftuar se për shkak të situatës, ata sot nuk do të paraqiten në zyrat e punës. KFOR ka bërë thirrje për uljen e tensioneve nga dy palët e konfliktit Kosovë-Serbi, ndërsa ka kërkuar që të mbahet përgjegjësi për ushtarët e plagosur. Ngjarja është në zhvillim.

tensione në veri të kosovës

Sondazh

Poll