Sport

Kjo çudi ndodh vetëm në vendin nordik! Në fundjavë fituan Kupën, sot luajnë në raundin e parë të edicionit të ardhshëm…

Skuadra Brann Berger, më 20 maj, fitoi 2-0 finalen e Kupës së Norvegjisë. Sot nis edicionin për vitin e ardhshëm

24 Maj 2023, 15:51 Nga DOSJA
Kjo çudi ndodh vetëm në vendin nordik! Në fundjavë

NORVEGJI - Një situatë e paprecedentë ndodh në Norvegji: skuadra fituese e Kupës, më 20 maj, luan sot për edicionin e vitit të ardhshëm ,të po kësaj gare! 

Brann Bergen, një nga skuadrat më të njohura në vendin nordik, fitoi Kupën e Norvegjisë të shtunën, pasi mundi 2-0 Lillestrøm, në stadiumin Ullevaal të Oslos. Ishte kupa e shtatë e fituar nga Brann, i cili gjithashtu ka tre tituj kampioni të Norvegjisë (i fundit në 2007).

Edicioni 2022-2023 i Kupës së Norvegjisë ishte një nga garat më të gjata në Evropë.  Raundi i parë filloi më 4 maj 2022 dhe gjithçka përfundoi vetëm më 20 maj 2023, ditën e finales së fituar nga Brann. 

Vetëm katër ditë larg finales me Lillestrøm, skuadra Brann Bergen nis fushatën për mbrojtjen e trofeut. Sot ata luajnë Frøya, një ekip nga divizioni i katërt, në raundin e parë të edicionit 2023 të Kupës së Norvegjisë. 

Me këtë edicion të ri ndryshon edhe periudha në të cilën zhvillohet Kupa e Norvegjisë.  Akti i fundit nuk do të luhet më në maj, siç ka ndodhur që nga viti 2019, për shkak të pandemisë së koronavirusit, por në datën 10 dhjetor.

B.T (Dosja.al)

Sondazh

Poll

MË SHUMË