Sport

Zgjidhet “ngërçi”, Ruud Van Nistelrooy më në fund largohet nga pankina e PSV-së

Vetëm pak ditë para ndeshjes së tyre të fundit për këtë sezon, Eindhoven arriti një marrëveshje me Ruud van Nistelrooy për t'i dhënë fund partneritetit të tyre.

24 Maj 2023, 13:52 Nga DOSJA
Zgjidhet “ngërçi”, Ruud Van Nistelrooy më në

HOLANDE- Në mars 2022, Ruud van Nistelrooy u emërua si trajneri i PSV Eindhoven, duke pasuar Roger Schmidt dhe më pas nënshkroi një kontratë trevjeçare me klubin holandez.

Fatkeqësisht për të, jo vetëm që nuk arriti ta përfundonte kontratën, ish-futbollisti i talentuar nuk arriti të përfundonte sezonin e parë, pasi pak ditë para ndeshjes së fundit të këtij sezoni u njoftua largimi i tij nga klubi.

Vendimi u bë i ditur mesditën e së mërkurës nga drejtuesit e klubit, megjithse ai ishte marrë që nga e marta, me drejtues të klubit që kishin patur një takim me Van Nistelrooy edhe ishte arritur kompromisi për ndërprerjen e bashkëpunimit.

Sipas raportimeve, trajneri 46-vjeçar ishte në stërvitje të mërkurën dhe u kishte shpjeguar lojtarëve të tij se nuk kishte mbështetjen e drejtuesve, gjë që e shtyu atë në derën e daljes, me Fred Rutten që pritet të hyjë të dielën e ardhshme, në ndeshjen e fundit të sezonit kundër Alkmaar.

B.T (Dosja.al)

Sondazh

Poll

MË SHUMË