Sport

Gjigantët evropianë nisin betejën për yllin e Ajax-it…

Edson Alvarez është gati të hedhë hapin e radhës në karrierën e tij

20 Maj 2023, 21:51 Nga DOSJA
Gjigantët evropianë nisin betejën për yllin e

HOLANDE - Mesfushori i Ajax Amsterdamit, Edson Alvarez, me shumë gjasa do të largohet nga skuadra gjatë verës. Një sërë klubesh angleze po tregojnë interes për të, si dhe skuadra e Borussia Dortmund, e njohur për aftësinë e saj për të zhvilluar talente.

Futbollisti 25-vjeçar është blerë në vitin 2019 nga klubi meksikan America. Më pas ai i kushtoi Ajax-it vetëm 15 milionë euro, ndërsa tani çmimi i tij është më shumë se 3 herë më i lartë. Besohet se për t'u ndarë me lojtarin e tyre, Ajax do të kërkojë një shumë prej rreth 50 milionë euro.

Përveç Borussia Dortmundit, të cilët janë në kërkim të një zëvendësuesi për Jude Bellingham, edhe Arsenali po shfaq interes serioz për lojtarin. Megjithatë, ai nuk është opsioni i parë në listën e ngushtë të Mikel Arteta, i cili do të shpresojë të marrë Declan Rice nga West Ham.

Fillimisht u besua se për futbollistin ishte i interesuar edhe Bayern Munich, por tashmë duket se bavarezët do të fokusohen më tepër në objektiva të tjerë. Kjo do të thotë se rivalët e Bayernit,  Borussia Dortmund, mbeten favoritët për të nënshkruar me Alvarez.

B.T (Dosja.al)

Sondazh

Poll

MË SHUMË