Politike

Berisha denoncon Tom Doshin: Ka marrë 13 milionë euro me një tender, e kthen në votë me zarf sa do Rama

Berisha deklaroi sot se Tom Doshi ka përfituar 13 milionë euro nga një tender.

19 Maj 2023, 12:24 Nga A.B
Berisha denoncon Tom Doshin: Ka marrë 13 milionë euro me një
Sali Berisha

TIRANË- Kryedemokrati Sali Berisha deklaroi ditën e sotme se Tom Doshi ka fituar 13 milionë euro në një ndërmarrje nga kryeministri Edi Rama. Gjatë konferencës së përjavshme, Berisha u shpreh se kjo shumë parash, u kthye në vota nga Rama. 

"Punonjësit e mediave që kanë ndërgjegje, të hedhin sytë në hartën elektorale dhe të shohin se partia e Doshit është tullumbacja më e madhe. Partia e drejtuar nga një njeri që nuk ka njeri prej jush që mund të mbajë mend një fjalë politike që ka bërë ai, se ai flet me gjuhën e parave. Rama ka përdorur shumëfishin e tij. U bëj thirrje punonjësve të mediave që të shohin rezultatin e partisë Doshi, dëshmia më e zezë e blerjes së votës. 

Vetëm 13 milionë euro ka fituar vetëm me një ndërmarrje nga pushteti i shtetit Tom Doshi nga Rama. Ato sa të dojë Edi i kthen në vota duke shpërndarë zarfa. Vota për Doshin është e blerë"- tha Berisha.

sali berisha

Sondazh

Poll

MË SHUMË