Sport

Janë zbuluar bonuset që do të përfitojë Erling Haaland, nëse fiton të gjithë trofetë me Man.Cityn në sezonin e tij të parë...

Erling Haaland (22) po bën një shfaqje mahnitëse në sezonin e tij të parë në Premier League, duke thyer rekord pas rekord.

7 Maj 2023, 11:47 Nga DOSJA
Janë zbuluar bonuset që do të përfitojë Erling Haaland,

ANGLI - Sulmuesi norvegjez u bë golashënuesi më i mirë i Premier League në një sezon të vetëm, duke arritur 35 gola vetëm në ligë dhe 51 në të gjitha garat me Manchester City. “Qytetarët” kanë paguar te Dortmundi vetëm 60 milionë euro në këmbim të futbollistit, i cili megjithatë ka marrë një nga pagat më të larta në skuadër. 

Megjithatë, kampionët në fuqi të Anglisë kanë përfshirë bonuse të konsiderueshme në kontratën e Haaland dhe fundi i sezonit mund t'i bëjë liderët në “Etihad” t'i paguajnë të gjitha nëse përparimi i ekipit është aq i mirë sa është dhe ata fitojnë të gjitha trofetë, për të cilët janë në garë. 

Çfarë shpërblimesh merr Erling Haaland në fund të sezonit? Sipas The Sun, "makina e golit" mund të arrijë 5.6 milionë euro bonus, nëse arrin ta ndihmojë Manchester Cityn të bëjë "trisin" e trofeve.  Man.City mund të fitojë titullin e Premier League, trofeun e UEFA Champions League dhe FA Cup në të njëjtin sezon. 

Burimi i cituar bën të ditur se Haaland do të arkëtojë rreth 1.1 milionë euro, nëse fiton trofetë e Premier League dhe Champions League. Përveç këtyre të dyjave, nëse Manchester City triumfon në finalen e FA Cup kundër Manchester United, do të arkëtojë afërsisht edhe 394.000 euro . 

Përveç këtyre trofeve, Erling Haaland do të marrë edhe shpërblime për paraqitjet që ka arritur tashmë në sezonin e tij të parë në Angli, por edhe për çmimet individuale që do të marrë në fund të sezonit. Norvegjezi shihet si favorit i madh, së bashku me Leo Messin, për të fituar “Topin e Artë” dhe nëse ia del mbanë, merr edhe 1.1 milionë euro të tjera. 

B.T (Dosja.al)

Sondazh

Poll

MË SHUMË