Politike

Rama s’e harron Lelin: Vlora do një kryetar që s’fle gjumë, s’do vij unë të pastroj qytetin! Të matet 7 herë para se të firmosë leje ndërtimi (Porosia për Dredhën)

Kamera nuk e shfaqi godinën dhe nuk u kuptua se për çfarë fliste konkretisht kreu i qeverisë.

6 Maj 2023, 21:24 Nga F.M
Rama s’e harron Lelin: Vlora do një kryetar që s’fle
Edi Rama

VLORË- Kryeministri Edi Rama ka dhënë porositë e para për kandidatin Ermal Dredha që synon Bashkinë e Vlorës. Në fjalën që mbante, duke nënkuptuar kryebashkiakun Dritan Leli, Rama tha se Vlora ka nevojë për një kryetar bashkie që të mos flejë gjumë, por të çohet e të pastrojë qytetin. Ai drejtoi gishtin në një godinë dhe tha se kryebashkiaku duhet të pyesë kur jep leje ndërtimi për një ndërtesë të tillë. Kamera nuk e shfaqi godinën dhe nuk u kuptua se për çfarë fliste konkretisht kreu i qeverisë.

Pjesë nga fjala e Ramës:

Ermali më pyeti se çfarë pret nga unë, i kam thënë që të rrish pa gjumë! Vlora nk e mban dot në kurriz një kryetar bashkie që ka gjumë. Vlorës i duhet një kryetar bashkie që rri pa gjumë, Vlorës i duhet një kryetar bashkie që zgjohet i pari dhe që shikon se në qytet nuk ka asnjë copë letër në tokë. Vlorës i duhet një kryetar bashkie që fle i fundit, pasi i ka parë të gjitha pikat ku Vlora pastrohet. Për fat të keq, Vlora është bashkia më problematike për pastrimin dhe kjo është e papranueshme. Nuk mund të vij unë, nuk mund të vijë qeveria këtu të pastrojë Vlorën. Vlorën e pastron bashkia. Është një nga lojtarët kryesore të skuadrës Shqipëri që ne duam ta bëjmë kampione të Ballkanit në turizëm. Por këtë s’e bëjmë dot nëse nuk i lëmë dot turistët pa tekst që kur të vijnë, të mos gjejnë asnjë letër në tokë. Vlora ka nevojë për një kryetar bashkie që matet 7 herë para se të firmosë një leje ndërtimi si kjo përballë që kam unë tani. Dhe pasi matet shtatë herë, herën e shtatë pyet shtatë të tjerë dhe më pas merr vendime që nuk zhbëhen më.

 

edi rama fushata 2023 zgjedhjet lokale 14 maj 2023 zgjedhjet vendore 14 maj 2023

Sondazh

Poll

MË SHUMË