Politike

‘Nëse nuk largoheni, do të hani plumbin’/ FRPD: Po na kërcënojnë bandat në Durrës, 10 persona na u afruan kur po shpërndanim fletëpalosjet

Sipas Myrtollarit, personat në fjalë u anë kërkuar të rinjve që të largoheshin, në të kundërt do t’i qëllonin me armë zjarri.

6 Maj 2023, 17:57 Nga F.M
‘Nëse nuk largoheni, do të hani plumbin’/ FRPD: Po na
Shyqyri Myrtollari

DURRËS- Kryetari i FRPD Dega Durrës ka deklaruar se të rinjtë janë kërcënuar nga bandat e Durrësit. Në një deklaratë për mediat, Shyqyri Myrtollari thotë se sot rreth orës 13.30, kur të rinjtë e FRPD-së po shpërndanin fletëpalosjet në mbështetje të kandidatit të ‘Bashkë Fitojmë’, Igli Cara, një grup u është afruar dhe i ka kërcënuar. Sipas Myrtollarit, personat në fjalë u anë kërkuar të rinjve që të largoheshin, në të kundërt do t’i qëllonin me armë zjarri.

Deklaratë për shtyp e kryetarit të FRPD Durrës, Shyqyri Myrtollari

Denoncim ndaj grupeve kriminale të organizuara për kërcënimet kundrejt mbështetësve të kandidatit për Bashkinë Durrës, z. Igli Cara. Sot rreth orës 13.30 në lagjen Stalla të zonës së Sukthit, ndërsa grupi i të rinjve të FRPD-së, po shpërndanin fletpalosje në mbështetje të kandidatit Igli Cara, një grup i përbërë prej afro 10 personash, janë afruar duke kërcënuar të rinjtë demokratë, që “ Nëse nuk do të largoheshin nga zona e tyre, do të hanin plumbin”. Ndërsa dita e votimeve po afron bandat kriminale janë shpërndarë në zona të ndryshme të qytetit te Durrësit duke ju bërë presion jo vetëm banorëve por edhe atyre që janë kundërshtarë të kryetares aktuale të Bashkisë. Ne si forcë politike denoncojmë këtë rast kriminal dhe kërkojmë nga Policia e Qytetit të Durrësit që të verifikojë urgjentisht personat të cilët kanë kryer këtë vepër penale dhe të merret masat e duhura ndaj tyre.

E drejta e informimit dhe e drejta e votës së lirë është e drejta e të gjithë qytetarëve. Presioni dhe kërcënimi i çdo votuesi është metoda e marrjes së votave nga ana e grupeve të organizuara të kryetares së Bashkisë Emiriana Sako. Kjo duket qartë nga prezenca e patonazhistëve dhe grupeve të organizuara kriminale të shpërndara kudo  nëpër zonat e ndryshme të qytetit të Durrësit. Kjo nuk e ndalon aspak punën tonë dhe as që na frikson në hapat për ndryshimin e kësaj anarkie të krijuar nga njerëz të mbytur nga korupsioni dhe krimi. Ju bëjmë thirrje të gjithë qytetarëve Durrsakë që të mos intimidohen dhe as te tolerojnë kërcënimet e bandave kriminale dhe më 14 maj të vendosin vetë për kryetarin e ardhshëm të Bashkisë Durrës.

igli cara shyqyri myrtollari

Sondazh

Poll

MË SHUMË