Bota

Krijuesi i Inteligjencës Artificiale i frikësuar: Më vjen keq! Është i rrezikshëm për shoqërinë

Në një intervistë të dhënë për New York Times, 75-vjeçari është shprehur i keqardhur për shpikjen që ka bërë së fundmi për shkak të rreziqeve që paraqet për shoqërinë.

3 Maj 2023, 20:40 Nga a.l
Krijuesi i Inteligjencës Artificiale i frikësuar: Më vjen keq!
Geoffrey Hinton

SHBA- Krijuesi i Inteligjencës Artificiale, Geoffrey Hinton ka lënë punën në Google me qëllimin që të flasë lirshëm rreth rreziqeve që mund të sjellë zhvillimi i pakufizuar i saj.

Në një intervistë të dhënë për New York Times, 75-vjeçari është shprehur i keqardhur për shpikjen që ka bërë së fundmi për shkak të rreziqeve që paraqet për shoqërinë.

Sipas tij, rreziqet vijnë pikërisht në përhapjen e dezinformatave dhe trazirat në tregun e punës. Hinton është një shkencëtar i njohur i sistemeve kompjuterike duke u bërë kështu i pari për hedhjen e themeleve të  inteligjencës artificiale, që pasoi me krijimin e Chatbot-eve, ose të njohura ndryshe si ChatGPT, shkruan CNN. 

“Ngushëlloj veten me justifikimin se nëse nuk do ta kisha bërë unë, dikush tjetër do ta bënte”, është shprehur Hinton.

Ndryshimet si ishte 5 vite përpara dhe si është tani janë të frikshme, ka thënë ai, me frikën se inteligjenca artificiale do të bëhet edhe më e rrezikshme në të ardhmen, pasi nëse aktorë të ndryshëm potencialisht mund të shfrytëzojnë sistemet e avancuara për qëllime jo të mira, do të jenë të vështirë për t’u parandaluar. 

geoffrey hinton

Sondazh

Poll

MË SHUMË