Sport

VIDEO/ Charles Leclerc, jo vetëm pilot në Formula 1, ai bën “zhurmë” edhe… në piano

Piloti i Ferrarit prej disa ditësh është bërë një hit i vërtetë në internet, me një pjesë të kompozimit të tij. Një pasion i lindur pas pandemisë Covid.

2 Maj 2023, 10:44 Nga DOSJA

VIDEO/ Charles Leclerc, jo vetëm pilot në Formula 1, ai bën

ITALI - Talenti i tij sportive nuk është më për t'u provuar. Me Ferrarin e tij, Charles Leclerc është ende në një distancë nga Red Bulls e Max Verstappen dhe Sergio Perez, por ai nuk është larguar, siç mundi të tregojë këtë të dielë në Baku. 

Ajo që nuk dinim është se 25-vjeçari monegask di të përdorë duart me shkathtësi jo veetëm në timon, por edhe në tastierë.

VIDEO/ Charles Leclerc, jo vetëm pilot në Formula 1, ai bën

Të enjten e kaluar, shoferi i Ferrarit prezantoi në rrjetet sociale një pjesë të luajtur në piano të kompozimit të tij. E titulluar "AUS23 (1:1)", kjo pjesë është 4 minuta e 11 sekonda me aludime melankolike, në traditën e Ludovico Einaudi, e cila tani është dëgjuar më shumë se 1.5 milion herë në platformën e transmetimit Spotify.

I 6-ti aktual në klasifikimin e pilotëve, Leclerc nisi të ushtrohej pianon në fund të pandemisë Covid: "Jam i lumtur të ndaj me ju një pjesë në piano, e lindur nga pasioni im për muzikën dhe të krijuar, si një mënyrë për t'u shkëputur nga F1 dhe për t'u çlodhur në mes të garave,- thotë piloti monegask. - Unë e prodhova këtë këngë në periferi të Çmimit të Madh të Australisë (në prill), prandaj e quajta atë 'AUS23'. Është një lidhje e mirë me botën e garave”.

Rikualifikimi i siguruar për vendin e 6-të aktual në renditjen e pilotëve? Sigurisht që është ende herët për të thënë, ndërkohë që ai është ende duke ndjekur titullin e tij të parë të kampionatit botëror. “Jam shumë i befasuar nga suksesi, e dija që do të bënte pak zhurmë, sepse një pilot i F1 që nxjerr një këngë është i pazakontë,- ka shpjeguar ai në rrjetet sociale. - Por unë nuk doja të bëja ndonjë marketing, thjesht doja ta ndaja me ata që më pëlqen të luaj në piano”. Dhe padyshim që shumë prej tyre e kanë ndjekur atë.

B.T (Dosja.al)

Sondazh

Poll

MË SHUMË