Sport

Oliver Kahn nën akuza, bavarezët e Bayern të pakënaqur, mendohet edhe shkarkimi i tij

Eshtë përjetuar shumë keq eliminimi i Bayernit në kampin bavarez. Bilanci i arritjeve, i diskutueshëm

20 Prill 2023, 12:02 Nga DOSJA
Oliver Kahn nën akuza, bavarezët e Bayern të pakënaqur,

GJERMANI - E përditshmja gjermane “Bild Sport” bën një zbulim deri-diku edhe shokues pas eleminimit të Bayern Munchen nga Champions League.

Sipas tabloidit gjerman, drejtori ekzekutiv Oliver Kahn (CEO) mund të jetë emri më i kërcënuar nga kjo situatë, pasi në dy vite ka korrur më shumë dështime se sa suksese në drejtimin e klubit më të titulluar të Gjermanisë.

“Që nga vera e vitit 2021, Oliver Kahn ka qenë njeriu përgjegjës si kryetar i Bordit drejtues të klubit bavarez. Bilanci që atëherë vetëm një titull dhe asnjë sezon në gjysmëfinalen e Champions League.

Këtë sezon, pengesa e radhës ishte mbrëmë Manchester City, e cila kaloi më tej pas humbjes 3-0 në Etihad një javë më parë dhe barazimit 1-1 të mbrëmshëm në Allianz Arena.

Gjithashtu, në dy sezonet e fundit, Bayern nuk ka arritur të kualifikohet në asnjë finale të Kupës së Gjermanisë, që konsiderohet gjithashtu dështim.

Kahn nuk i kënaqi dëshirat e Alabas për rritjen e pages, duke e lënë të lirë për t’u larguar te Real Madrid, por investoi 120 milionë për të transferuar Upamecano dhe De Ligt. Afroi trajner pa eksperiencë, si Nagelsmann dhe largoi një lojtar si Lewandowski”. 

B.T (Dosja.al)

Sondazh

Poll

MË SHUMË