Sport

VIDEO/ Bayern dorëzohet, Manchester City - Real Madrid, një tjetër "finale" e parakohshme e Champions League...

Haaland humbet pas 18 penalltive radhazi golin e nokautit. Por minutat që kalojnë mbeten në avantazh të Citizens, te cilët në pjesen e dytë shënojnë. Bayern barazoi 1-1 me penallti, por goli ishte thjeshte për statistikë

19 Prill 2023, 22:21 Nga DOSJA

VIDEO/ Bayern dorëzohet, Manchester City - Real Madrid, një

GJERMANI - Bayern Munichut e sheh veten akoma më larg gjysmëfinales së Champions League pas 45 minutave të para përballë Manchester City-t.

Atëherë kur duhet të reagonin bavarezët, rastin më të mirë për shënim e kanë djemtë e Guardiolës.

Në minutën e 37-të City përfiton një 11-metërsh, të cilin e merr përsipër i përhershmi Haaland. Dhe si rrallë herë super-goleadori norvegjez nuk ia del.

Pas 18 penalltish radhazi pa humbur asnjë, këtë herë nuk ia del sulmuesi i i City-t që gjithsesi nuk komplikon asgjë për momentin për kualifikimin duke qene se ne ndeshjen e  parë kanë fituar me shifrat 3-0 në Angli.

Mjaftojnë pak minuta nga fillimi i pjesës së dytë dhe Haaland zhbllokoi sfidën dhe veten. Në minutën e 57-të ia del mbanë të shënojë për të fundosur ekipin e Tuchel dhe për të afruar akoma më tepër kualifikimin.

Goli i tij i 12-të në Champions League dhe i 48-ti në këtë sezon.

Në minutën e 63-të Bayerni bën lëvizjen e vetme që do të mbahet mend në këtë mbrëmje, dy lojarët që u grushtuan një javë më parë, pikërisht për humbjen e takimit 3-0 në Angli, zëvendësojnë njëri-tjetrin. Del Sane dhe futet Mane me një përplasje duarsh ndaj njëri-tjetrit.

VIDEO/ Bayern dorëzohet, Manchester City - Real Madrid, një

Në mbyllje të ndeshjes, në minutën e 83-të Kimich arrin të shndërrojë në gol një 11-metërsh, duke çuar shifrat e ndeshjes në 1-1, por pak minuta kanë mbetur për të përmbysur shifrat e përgjithshme 4-1 të këtyre dy ndeshjeve.


Në gjysmëfinale Manchester City do të përballet me Real Madridin, një tjetër përballje mes dy skuadrave më të mëdha europiane që e shndërrojnë këtë gjysmëfinale në një finale tjetër të parakohshme të Champions League.

B.T (Dosja.al)

Sondazh

Poll

MË SHUMË