Sport

VIDEO/ Gjest i turpshëm nga Cristiano Ronaldo pas humbjes ndaj Al-Hilal, teksa tifozët në stadium thërrasin: 'Messi, Messi'...

Lojtari portugez vendosi duart në organet gjenitale, ndërsa shikonte me mospëlqim tribunën… që thërriste emrin e yllit argjentinas

19 Prill 2023, 17:52 Nga DOSJA

VIDEO/ Gjest i turpshëm nga Cristiano Ronaldo pas humbjes ndaj Al-Hilal,

ARABIA SAUDITE - Cristiano Ronaldo nuk mundi të përtypë humbjen e skuadrës së tij Al-Nassr, kundër Al-Hilal me rezultatin 2-0 dhe e shfaqi pakënaqësinë e tij me një gjest të turpshëm, drejtuar me sa duket tifozëve rivalë, teksa ata thëerrisnin: 'Messi, Messi, Messi!' Lojtari portugez vendosi duart në organet gjenitale, ndërsa shikonte me mospëlqim tribunën. 

Cristiano luajti të gjitha 90 minutat e ndeshjes për skuadrën e tij, e cila është e dyta në tabelën e ligës së Arabisë Saudite, tre pikë prapa Al-Ittihad, i cili gjithashtu ka luajtur një ndeshje më pak. Protagonist i madh i ndeshjes ishte Odion Ighalo, autori i dy golave ​​për ekipin vendas në një ndeshje të luajtur në stadiumin ndërkombëtar King Fahd në Riad. 

Në video të ndryshme të transmetuara nga mediat, Cristiano Ronaldo shihet duke u larguar dukshëm i mërzitur dhe duke bërë gjestin e shëmtuar. 

Më herët gjatë ndeshjes, ai kishte bërë faull me një lëvizje më të denjë për një luftë WWE sesa një lojë futbolli, duke i mbështjellë krahët rreth qafës kundërshtarit dhe duke e hedhur në shpinë. Michael Oliver, arbitri i ndeshjes, i dha një karton të verdhë. 

Javën e kaluar Dinko Jelicic mori postin e kreut të pankinës së Al-Nassr pas shkarkimit të trajnerit Rudi García, me të cilin Cristiano nuk kishte marrëdhëniet më të mira sipas mediave saudite.

B.T (Dosja.al)

Sondazh

Poll

MË SHUMË