Sport

Familja Glazers synon të qëndrojë te United dhe të dyfishojë vlerën e “Djajve të Kuq”...

Familja Glazer duket optimiste se do të mbetet në krye të Manchester United dhe madje do të sigurojë investime të jashtme për të dyfishuar vlerën e klubit në të ardhmen.

17 Prill 2023, 22:15 Nga DOSJA
Familja Glazers synon të qëndrojë te United dhe të

ANGLI - Manchester United ka hyrë në një epokë të re që nga vera e kaluar, pas ardhjes së trajnerit Erik Ten Haag në pankinën e skuadrës, megjithatë ka shumë gjasa që të ketë një ndryshim në statusin e pronësisë së “Djajve të Kuq”.

Familja Glazer, e cila ka në pronësi shumicën e klubit të Mançesterit, që nga viti 2005, njoftoi nëntorin e kaluar se po shqyrtonte të gjitha ndryshimet strategjike në klub, si investime të reja, një shitje të ekipit, ose ndonjë transaksion tjetër financiar.

Një raport i ESPN thotë se vëllezërit Joel dhe Abraham Glazer janë optimistë se do të mbeten në pronësi të United dhe do të sigurojnë investime të jashtme për të dyfishuar vlerën e klubit gjatë dekadës së ardhshme.

Kjo do të bëhet përmes riformësimit të ekipit të futbollit dhe investimit në ambientet e klubit (Old Trafford, qendra stërvitore). Indikativisht, "Teatri i ëndrrave" nuk u përfshi në ofertën e Mbretërisë së Bashkuar dhe Irlandës për të pritur “Euro 2028”, pavarësisht se ishte stadiumi i dytë më i madh pas Wembley.

Deri më tani ka pasur oferta të përmirësuara për të blerë “Djajtë e Kuq”, megjithatë asnjë nuk i plotëson kërkesat financiare të familjes Glazers.

Tifozët e Manchester United janë mjaft të pakënaqur me pronarët amerikanë të klubit dhe kanë mbajtur disa protesta duke kërkuar largimin e tyre, veçanërisht pas "shpërthimit" të Superligës Evropiane në të cilën ishin pjesë edhe “Djajtë e Kuq”, përpara se të largoheshin përfundimisht si dhe pesë skuadrat e tjera angleze (Liverpool , Manchester City, Chelsea, Arsenal, Tottenham).

B.T (Dosja.al)

Sondazh

Poll

MË SHUMË