Bota

Takimi në Rashkë/ Vuçiç paraqet 5 përfundimet e arritura me përfaqësuesit politikë të serbëve të Kosovës: Formimi i Asosacionit, kusht për dialogun

Në një nga përfundimet gjithashtu theksohej se formimi i Asociacionit i komunave me shumicë serbe në përputhje me marrëveshjet e arritura në Bruksel është parakusht absolut për të gjitha hapat e mëtejshëm në dialog si dhe parakusht për kthimin e serbëve në institucione.

13 Prill 2023, 15:42 Nga a.l
Takimi në Rashkë/ Vuçiç paraqet 5 përfundimet e
Aleksandër Vuçiç

SERBI- Presidenti i Serbisë, Aleksandër Vuçiç, pas takimit në Rashkë me përfaqësuesit politikë të serbëve të Kosovës, paraqiti pesë konkluzionet që janë arritur në bazë të asaj që kanë kërkuar përfaqësuesit politikë të serbëve të Kosovës.

Ai tha se do të kërkohet reagimi urgjent i BE dhe institucioneve tjera në botë që institucionet në Prishtinë të mos hkelin marrëveshjen për targat dhe të mundësojnë lëvizjen e lirë të serbëve, automjetet e të cilëve shfrytëzojnë targa legjitime të Republikës së Serbisë.

“Nuk kërkojmë asgjë më shumë se Prishtina, pa vonesë, të veprojë në përputhje me marrëveshjet në dialog, si dhe me të gjitha dokumentet tjera relevante të së drejtës ndërkombëtare. Në këtë kuptim, ekipi negociator serb autorizohet që në përputhje me të drejtat që i janë garantuar palës serbe në marrëveshjet e deritashme për targat, të bëjë përpjekje shtesë për gjetjen e një zgjidhjeje kompromisi për këtë çështje”, theksoi Vuçiç.

-Në një nga përfundimet gjithashtu theksohej se formimi i Asociacionit i komunave me shumicë serbe në përputhje me marrëveshjet e arritura në Bruksel është parakusht absolut për të gjitha hapat e mëtejshëm në dialog si dhe parakusht për kthimin e serbëve në institucione.

-Po ashtu, kërkohet edhe tërheqja e njësive speciale të Policisë së Kosovës nga veriu, i banuar me shumicë serbe. Gjithashtu do të kërkohet që zgjedhjet të zhvillohen pas formimit të Asociacionit.

-Pika e fundit e konkluzioneve të arritura është se Serbia do të marrë të gjitha masat juridike, politike dhe ekonomike për të siguruar mbrojtjen dhe të drejtat e serbëve në Kosovë. Këto përfundime priten të miratohen nga Qeveria serbe./ REL

aleksander vucic

Sondazh

Poll

MË SHUMË