Bota

Ndihmoi bosin mafioz, arrestohet mësuesja, vajza e aleatit të Messina Denaros

Bonafede akuzohet për ndihmë dhe nxitje, si dhe prokurim të moszbatimit të dënimeve të rënduara me metodën mafioze. Mësuesja u dallua nga kamerat e sigurisë dy ditë para arrestimit të bosit mafioz, pasi bënte pazare për të nga frika se ai mund të infektohej nga Covid dhe nuk mund të dilte jashtë.

13 Prill 2023, 12:56 Nga f.i
Ndihmoi bosin mafioz, arrestohet mësuesja, vajza e aleatit të Messina
Laura Bonafede

ITALI- Karabinierët italianë kanë arrestuar mëngjesin e sotëm mësuesen Laura Bonafede, e cila kishte ndihmuar kreun mafioz Matteo Messina Denaro. Mediat vendase raportojnë se mësuesja 56-vjeçare e shkollës fillore, është vajza e bosit historik të Campobello di Mazara, aleatit të Denaros dhe pjesë e rrjetit të njerëzve që mbronin bosin mafioz gjatë fshehjes së tij.

Bonafede akuzohet për ndihmë dhe nxitje, si dhe prokurim të moszbatimit të dënimeve të rënduara me metodën mafioze. Mësuesja u dallua nga kamerat e sigurisë dy ditë para arrestimit të bosit mafioz, pasi bënte pazare për të nga frika se ai mund të infektohej nga Covid dhe nuk mund të dilte jashtë. 56-vjeçarja u dyshua si strumbullari rreth të cilit rrotullohej e gjithë periudha e arratisjes së kumbarit. Ajo i siguronte nevojat e përditshme bosit të mafies, i cili ishte shtruar në një spital në një provincë për problemet me shëndetin.

Kujtojmë se para saj u arrestua kushëriri i saj Andrea, topografi që huazoi identitetin e përdorur nga shefi për t’iu nënshtruar trajtimit të kancerit, kushëriri tjetër, i quajtur gjithashtu Andrea, punonjësi i bashkisë që bleu qindra receta mjekësore për Messina Denaron.

matteo messina denaro laura bonafede

Sondazh

Poll

MË SHUMË