Bota

Biden në Belfast/ Zbardhen takimet me liderët e partive kryesore të Irlandës së Veriut: Diskutime për ekonominë dhe rëndësinë e stabilitetit politik

Udhëheqësi i UUP-së, Doug Beattie tha se diskutuan me presidentin Biden për mundësitë ekonomike për Irlandën e Veriut. 

12 Prill 2023, 17:20 Nga a.l
Biden në Belfast/ Zbardhen takimet me liderët e partive kryesore
Joe Biden

IRLANDA E VERIUT- Në ditën e parë të vizitës në Belfast, kryeqytetin e Irlandës së Veriut, presidenti amerikan Joe Biden ka zhvilluar takime me liderët e partive kryesore të Irlandës së Veriut. Udhëheqësja e Partisë së Aleancës Naomi Long tha se presidenti amerikan foli për ekonominë e vendit dhe rëndësinë e stabilitetit politik për të maksimizuar potencialin e saj.

"Fjalimi i presidentit ishte pozitiv, i balancuar, optimist dhe shpresëdhënës për të ardhmen", tha ajo.

Udhëheqësi i SDLP, Colum Eastwood e përshkroi takimin e tij me Biden si një angazhim pozitiv.

"Ai ka qenë mbështetës i procesit tonë të paqes para se të ekzistonte", tha ai. 

Ai tha se Biden ishte një anëtar themelues i grupit të Miqve të Irlandës në Kongresin e SHBA në vitet 1970.

Udhëheqësi i UUP-së, Doug Beattie tha se diskutuan me presidentin Biden për mundësitë ekonomike për Irlandën e Veriut. 

Presidenti amerikan Joe Biden ka nisur një vizitë katër-ditore në Irlandën e Veriut dhe Republikën e Irlandës. Vizita e tij vjen në kuadër të 25 vjetorit të Marrëveshjes së së Premtes së Mirë, një marrëveshje paqeje që ndihmoi t'i jepet fund 30 viteve të konfliktit të dhunshëm në Irlandën e Veriut. Presidenti u përshëndet nga kryeministri i Mbretërisë së Bashkuar Rishi Sunak pas uljes në Air Force One të martën mbrëma.

joe biden

Sondazh

Poll