Politike

Dhunimi i mësueses në Memaliaj, reagon Kushi: Jam e indinjuar! Pavarësisht arsyeve, dhuna nuk është asnjëherë zgjidhje

Kushi i bën thirrje nxënësve, prindërve dhe shoqërisë që ta trajtojnë mësuesin me respektin dhe dinjitetin që meriton.

12 Prill 2023, 13:41 Nga A.B
Dhunimi i mësueses në Memaliaj, reagon Kushi: Jam e indinjuar!
Evis Kushi

TIRANË- Ministrja e Arsimit, Evis Kushi ka reaguar pas dhunës së ushtruar ndaj mësueses së shkollës 9-vjeçare 'Nimete Progonati'. Përmes një postimi të bërë në rrjetet sociale, Kushi thekson se dhuna nuk është asnjëherë zgjidhja e konflikteve, duke sygjeruar që në këto raste të ndërhyjën autoritetet përkatëse.

Më tej, Kushi i bën thirrje nxënësve, prindërve dhe shoqërisë që ta trajtojnë mësuesin me respektin dhe dinjitetin që meriton.

POSTIMI I PLOTË

Jam shumë e indinjuar nga rasti i dhunës së ushtruar mbi një mësuese në mjediset e shkollës 9-vjeçare “Nimete Progonati” në Memaliaj. Pavarësisht arsyeve që kanë shkaktuar këtë ngjarje, dhuna nuk është asnjëherë mënyra e duhur për zgjidhjen e konflikteve. Në institucionet tona arsimore funksionojnë të gjitha strukturat e nevojshme për menaxhimin dhe zgjidhjen e situatave problematike.

Edhe pse është një rast i izoluar, për të cilin u morën masa të menjëhershme që ditën e djeshme, unë shpreh solidaritetin dhe u bëj thirrje nxënësve, prindërve dhe gjithë shoqërisë që ta trajtojmë mësuesin me respektin dhe dinjitetin që meriton.

Çfarë ndodhi dje?

Në shkollën 9-vjeçare “Nimete Progonati” në Memaliaj të Gjirokastrës, një mësuese u dhunua nga tezja e një prej nxënëseve të saj. 43-vjeçarja, e identifikuar vetëm me inicialet M.H., u dhunua nga tezja e një fëmije në klasën e tretë. E gjitha nisi në momentin kur tezja kishte shkuar për të marrë mbesën e saj kur kishte përfunduar mësimi, por kjo e fundit e ka pritur duke qarë dhe duke iu ankuar se ishte bullizuar nga mësuesja e se ishte dhunuar.

Gruaja me inicialet S.K shkoi tek mësuesja me të cilën ka pasur një debat fillimisht verbal, që më ka degradoi në përdorimin e dhunës. Pas sherrit, vetë mësuesja ka shkuar në Polici ku ka bërë denoncimin./Dosja.al

evis kushi dhunohet mesuesja ne memaliaj

Sondazh

Poll