Politike

"Shihemi shumë shpejt"/ 30 minuta takim me Escobar, Meta: Ju pres në stadium! (Ç'mesazh dha i dërguari nga SHBA?)

Megjithatë, vetë Meta u mjaftua duke thënë se do të sqaronte gjithçka në një postim zyrtar. 

12 Prill 2023, 11:54 Nga F.M
"Shihemi shumë shpejt"/ 30 minuta takim me Escobar, Meta: Ju pres
Ilir Meta

TIRANË- Kreu i Partisë së Lirisë Ilir Meta nuk ka preferuar të prononcohet pas takimit që zhvilloi me të dërguarin e Shteteve të Bashkuara të Amerikës, Gabriel Escobar. Ajo që u vu re ishte se në largim e sipër Escobar i tha Metës se do të shiheshin shumë shpejt, duke ngritur pikëppyetje për një takim të radhës. Megjithatë, vetë Meta u mjaftua duke thënë se do të sqaronte gjithçka në një postim zyrtar. 

Pjesë nga prononcmi:

Ilir Meta: Ju falenderojmë për vëmendjen, do të kemi një komunikatë zyrtare nga ana e Partisë së Lirisë.

Pyetje: E kuptojmë zoti Meta, Escobar kur iku tha 'shihemi shumë shpejt', do të ikni në Amerikë apo çfarë?

Ilir Meta: Ju pres të gjithëve në stadium, përsa i përket takimit, do të dalë një komunikatë zyrtare. 

I dërguari i Shteteve të Bashkuara të Amerikës, Gabriel Escobar ka nisur një sërë takimesh prag zgjedhjeve lokale të 14 majit. Dje, Escobar takoi kryeministrin Edi Rama dhe Presidentin Bajram Begaj. Sot po takon përfaqësues të Opozitës, deputetin Enkelejd Alibeaj dhe Kreun e Partisë së Lirisë, Ilir Meta.

Pas takimeve të zhvilluara një ditë më parë, në një reagim ambasada e SHBA-ve tha se thirrja e Escobarit për liderët ka qenë që të sigurojnë që kandidatët të përmbushin kërkesat e ligjit dhe të përmbushin pritshmëritë e qytetarëve shqiptarë për integritet të lartë. I dërguari i SHBA-ve ka shmangur takimet me kryedemokratin Sali Berisha, i cili është shpallur non-grata nga Departamenti Amerikan i Shtetit.

ilir meta

Sondazh

Poll

MË SHUMË