Sport

ARRESTOHEN! Grupe kriminale në Spanjë që mashtronin të rinj brazilianë, kundrejt parave, se do t’i shndërronin në yje futbolli

Policia spanjolle njoftoi të martën arrestimin e njëmbëdhjetë personave, që kishin mashtruar dhjetëra familje të huaja, kryesisht braziliane, duke u premtuar se djemtë e tyre do t'i shndërronin në yje futbollit në këmbim të mijëra eurove.

11 Prill 2023, 23:53 Nga DOSJA

ARRESTOHEN! Grupe kriminale në Spanjë që mashtronin të rinj

SPANJE - Policia spanjolle njoftoi të martën arrestimin e njëmbëdhjetë personave, që kishin mashtruar dhjetëra familje të huaja, kryesisht braziliane, duke u premtuar se djemtë e tyre do t’i shndërronin në yje futbolli në këmbim të mijëra eurove. 

Këta persona i përkisnin dy organizatave kriminale, me të ashtuquajturat shkolla futbolli në Granada (Spanja jugore), të cilat rekrutonin të rinj nga familje të pasura jashtë vendit me "shpresën e rreme [...] për t'i bërë lojtarë profesionistë yll",- tha policia në një deklaratë.

Këto grupe u ofronin këtyre të rinjve strehim dhe premtimin se do të kujdeseshin për procedurën për t'u mundësuar atyre marrjen e lejes së qëndrimit në Spanjë. Për këtë familjet fillimisht duhet të paguajnë 5.000 euro, më pas nga 1.500 deri në 1.700 euro në muaj.

"Të dy organizatat mbanin të rinjtë në kushte të mjerueshme gjatë 90 ditëve të qëndrimit të tyre në vend si turistë, aplikimet për leje qëndrimi ishin të papranueshme ose u refuzuan", gjë që detyroi të rinjtë viktima të këtij mashtrimi të kthehen në shtëpitë e tyre. Policia tha se hetuesit gjetën “30 të rinj të huaj me origjinë të ndryshme, kryesisht brazilianë, të moshës 16 deri në 23 vjeç”, të vendosur në dy akomodime të marra me qira nga kjo “shkollë”, të gjithë viktima të kësaj mashtrimi.

Në një tjetër “shkollë”, po në Granadë, policia zbuloi 40 të rinj të tjerë, kryesisht nga Brazili, të cilët qëndronin në shtëpinë e një prej krerëve të bandës. Në të dyja rastet, viktimat e reja ishin “në kushte të mbushura me njerëz, me pak ushqim”, thuhet në deklaratë.

B.T (Dosja.al)

Sondazh

Poll

MË SHUMË