Bota

Deputeti i PDK-së: S’jam zonja Meri, por nëse Vuçiç i duket vetja i fuqishëm për luftë e shohim kush fiton

Haliti thotë se Vuçiç po përpiqet ta paraqes veten para opinionit të brendshëm që është nën presion.

11 Prill 2023, 14:20 Nga I.A
Deputeti i PDK-së: S’jam zonja Meri, por nëse
Xhavit Haliti

KOSOVË- Deputeti i PDK-së, Xhavit Haliti ka komentuar deklaratën e fundit të presidentit serb, Aleksandër Vuçiç ku tha se nuk do t’i zbatojë të gjitha pikat e marrëveshjes së dakorduar në Ohër. Haliti në një prononcim për Blic thotë se palët do të kenë presion për t’i zbatuar të gjitha pikat.

“Palët janë dakorduar për marrëveshje dhe kush nuk e zbaton marrëveshjen sipas asaj që është diskutuar në Ohër, do të ketë presion që ta zbatojë. Ndërsa, cilët nga pikat i sheh problematike për t’i zbatuar, unë nuk jam zonja Meri që ta di se çfarë ata mendojnë”, thotë Haliti.

Haliti thotë se Vuçiç po përpiqet ta paraqes veten para opinionit të brendshëm që është nën presion.

“Presidenti Vuçiç do të përpiqet të eskivojë duke e paraqit veten para opinionit të vet të brendshëm që është nën presion duke thënë se nuk pata çare pa e miratu, sepse kostoja për Serbinë është shumë e lartë”, thotë Haliti.

Haliti theksoi se asnjëra palë nuk mund t’i ikë kësaj marrëveshjeje.

“Ata janë zotuar për marrëveshje në prezencë të BE-së dhe SHBA-ve, asnjëra palë nuk mund t’i ikë kësaj çështjeje. Nëse Vuçiç e llogarit veten të fuqishëm për të filluar një luftë të re në Ballkan, atëherë do ta shohim se kush do të jetë fitimtari”, tha Haliti.

xhavit haliti

Sondazh

Poll

MË SHUMË