Politike

Yuri Kim e krahasoi me një ZJARRVËNËS, Berisha "analizon" me ndihmën e CHATGPD: Një fjalor i tillë është për njerëz në ethe. I kujtoj që po ndërhyn në fushatë

Berisha u shpreh se Kim po tenton që të asgjësojë PD-në.

7 Prill 2023, 13:02 Nga k.m.
Yuri Kim e krahasoi me një ZJARRVËNËS, Berisha
Sali Berisha

TIRANË- Ditën e sotme, kreu i Partisë Demokratike, Sali Berisha akuzoi ambasadoren e SHBA-ve në Shqipëri, Yuri Kim se po kërkon të ndërhyjë në fushatë elektorale. Gjatë konferencës për mediat, Berisha u shpreh se Kim po tenton që të asgjësojë PD-në. Po ashtu, ai shtoi se deklaratën e Kim e ka konsultuar dhe me GPD.

Ja çfarë tha Berisha:

"Ajo që mund të them unë është se përpjekjet e guvernatores për asgjesimin e PD-së. Për emërimin në krye të kësaj partie, ekspoentët të lidhur në palcë me krimin nuk janë asgjë tjetër veçse dëshmi se kjo ka funksionuar si anëtare e ekipit të McGonigal me fustan. Kjo ka përdorur pushtetin që i jep përfaqësimi i SHBA si ambasadore kundër opozitës demokratike të një vendi anëtar të NATO-s. Nuk po them asnjë të re se i kam thënë të gjitha. Deklaratës së fundit i kam dhënë përgjigje. Gjykova se ishte e nevojshme por tani kam vetëm një shtesë, njerëzit që përdorin gjuhë me zjarre me kështu ata kanë probleme me veten e tyre. Pra një fjalor i tillë është për njerëz në ethe kur të kapin ethe të fortë. Pyeta disa herë edhe Chat GPD çfarë do të thotë ky fjalor dhe më dhanë këtë përgjigje, se unë jam edhe mjek, po prapë të thashë se të bëj një check up. PD po ecën e sigurtë në fitore. E paralajmëroj se ndërhyrja në fushatë elektorale është krim, nuk duhe të ndërhyrë. Unë e kuptoj që mund të dalë ndonjë deklaratë nga KQZ që është nuk është por për mua është fushatë."

yuri kim sali berisha

Sondazh

Poll

MË SHUMË