Bota

'Nuk ka patur hirearki e as fuqi organizative'/ Avokati i Selimit: Pretendimet e Prokurorisë për UÇK-në nuk qëndrojnë

Roberts tha se ish-deputeti s’ka urdhëruar asnjë krim.

4 Prill 2023, 16:51 Nga a.l
'Nuk ka patur hirearki e as fuqi organizative'/ Avokati i Selimit:
Geoffrey Roberts

HAGË- Vijon gjykimi ndaj ish-krerëve të UÇK-së në Hagë. Avokati mbrojtës i ish-deputetit të Kuvendit të Kosovës, Rexhep Selimi, Geoffrey Roberts tha se pretendimet e Prokurorisë rreth UÇK-së, nuk qëndrojnë.

“Nuk ka pasur strukturë për grupet e formuara, e as hierarki që prokuroria supozon. Nuk ka pasur pasoja për individët që largoheshin nga fushëbeteja, e ktheheshin pas një jave apo më vonë”, tha Roberts.

Roberts tha se ish-deputeti s’ka urdhëruar asnjë krim.

“Në aktakuzë nuk ka aludime që z. Selimi të ketë urdhëruar ndonjë krim. Nuk ka as aludime që në njëfarë mënyre me veprim apo mosveprim të ketë shkaktuar krime. Madje as që planifikonte krime”, tha ai.

Sot po zhvillohet dita e dytë e seancës gjyësore e Gjykatës Speciale ndaj ish-krerëve të Ushtrisë Çlirimtare të Kosovës, Hashim Thaqi, Kadri Veseli, Jakup Krasniqi dhe Rexhep Selimi. Seanca po vijon me deklaratat hyrëse të avokatëve mbrojtës. Ndërsa në seancën e djeshme ish-presidenti i vendit, Hashim Thaçi dhe 3 ish-krerët e UÇK-së Jakup Krasniqi, Kadri Veseli dhe Rexhep Selimi deklaruan para trupës gjykuese se janë të pafajshëm.

kosova ne hage geoffrey roberts

Sondazh

Poll

MË SHUMË