Bota

Studimi: Sëmundja e Alzheimerit prek gratë më shumë se burrat

Studimi zbuloi se gratë kishin më shumë akumulim tau në disa pjesë të trurit sesa burrat e një moshe të ngjashme.

4 Prill 2023, 14:43 Nga f.i
Studimi: Sëmundja e Alzheimerit prek gratë më shumë se
foto ilustruse

SHBA- Sipas një studimi nga mjeku i neurologjisë, Gillian Coughlan sëmundja e Alzheimerit prek më shumë gratë se burrat. CNN raporton se gratë që iu nënshtruan menopauzës së hershme (40 deri në 45 vjeç) ose gratë që filluan terapinë e hormoneve 5 vjet pas menopauzës kishin nivele më të larta proteinash në trurin e tyre. Studimi zbuloi se gratë kishin më shumë akumulim në disa pjesë të trurit sesa burrat e një moshe të ngjashme.

“Ky është studimi i parë që tregon se përdorimi i vonuar i terapisë hormonale duket se është i lidhur me nivelet e rritura të shënuesve të sëmundjes Alzheimer në tru. Ajo që kemi gjetur është se gratë që kanë menopauzë të hershme ose kanë një përdorim të vonë të terapisë hormonale mund të jenë në rrezik më të lartë,"- tha Gillian Coughla.

Sëmundja e Alzheimerit është një sëmundje progresive që fillon me humbje të lehtë të kujtesës dhe mund të çojë në humbjen e aftësisë për të vazhduar një bisedë dhe për t'iu përgjigjur mjedisit. Sëmundja e Alzheimerit përfshin pjesë të trurit që kontrollojnë mendimin, kujtesën dhe gjuhën.

semundja alzheimer gillian coughlan

Sondazh

Poll

MË SHUMË